ଚେନ୍ନାଇ,୧୮।୧: ଡେବ୍ୟୁ ଟେଷ୍ଟରେ ଅର୍ଦ୍ଧଶତକ ହାସଲ କରିଥିବା ୱାଶିଂଟନ ସୁନ୍ଦରଙ୍କ ପ୍ରଶଂସା କରୁଛନ୍ତି। କିନ୍ତୁ ପୁଅ ଏକ ଶତକ ସ୍କୋର କରିବାରେ ବିଫଳ ହୋଇଥିବାରୁ ତାଙ୍କ ପିତା ଅସନ୍ତୋଷ ପ୍ରକାଶ କରିଛନ୍ତି। ବ୍ରିସବେନ ଟେଷ୍ଟର ତୃତୀୟ ଦିନରେ ୱାଶିଂଟନ ସୁନ୍ଦର ୧୪୪ ବଲରେ ୬୨ ରନ ସଂଗ୍ରହ କରିଥିଲେ। ସପ୍ତମ ଉଇକେଟ ପାଇଁ ଶାର୍ଦ୍ଦୁଲ ଠାକୁରଙ୍କ ସହ ସୁନ୍ଦର ୧୨୩ ରନ ଭାଗିଦାରୀ କରିଥିଲେ। ପ୍ରଥମ ଇନିଂସରେ ସୁନ୍ଦର ଏବଂ ଠାକୁରଙ୍କ ଯୋଗୁ ଭାରତ ୩୩୬ ରନ ସ୍କୋର କରିବାରେ ସଫଳ ହୋଇଥିଲା। ସୁନ୍ଦରଙ୍କ ପିତା ଏମ ସୁନ୍ଦର କହିଛନ୍ତି, ସେ ୧୦୦ ରନ କରି ନ ଥିବାରୁ ମୁଁ ନିରାଶ ହୋଇଛି। ସିରାଜ ଆସିବା ପରେ ତାଙ୍କୁ ଚାରି ଓ ଛକା ମାରିବା ଉଚିତ୍ ଥିଲା। ସେ ଏହା କରିବାକୁ ସକ୍ଷମ ଅଟନ୍ତି। ସେ ବଡ ହିଟ ମାରିପାରନ୍ତି। ସେ କହିଛନ୍ତି, ମୁଁ ପ୍ରତିଦିନ ତାଙ୍କ ସହ କଥାବାର୍ତ୍ତା କରେ। ମୁଁ ତାଙ୍କୁ କହିଛି ଯେତେବେଳେ ବି ସୁଯୋଗ ମିଳିବ, ବଡ ସ୍କୋର କରିବାକୁ। ସୁନ୍ଦର କହିଛନ୍ତି ଯେ, ସେ ଏହା କରିବେ। ସେ ଜାଣନ୍ତି ଯେ ତାଙ୍କ ପୁଅ ଟପ ଅର୍ଡରରେ ମଧ୍ୟ ବ୍ୟାଟିଂ କରିବାରେ ସକ୍ଷମ। ଯଦିଓ ସେ ଭାରତୀୟ ଦଳ ନିମ୍ନ ମଧ୍ୟମ ଅର୍ଡର ପାଇଁ ମନୋନୀତ ହୋଇଛନ୍ତି। ୱାଶିଂଟନ କେବଳ ୧୨ଟି ପ୍ରଥମ ଶ୍ରେଣୀ ମ୍ୟାଚ ଖେଳିଛି କିନ୍ତୁ ଯେତେବେଳେ ବି ସୁଯୋଗ ମିଳିଛି ଭଲ ପ୍ରଦର୍ଶନ କରିଛି।
