ଭାରତର କିଛି ମନ୍ଦିରରେ ମହିଳାଙ୍କ ପ୍ରବେଶ ଉପରେ ପ୍ରତିବନ୍ଧକ ରହିଛି। ସେହିଭଳି ଏଭଳି କିଛି ମନ୍ଦିର ରହିଛି, ଯେଉଁଠି ପୁରୁଷଙ୍କୁ ଯିବାକୁ ଅନୁମତି ନାହିଁ ନଚେତ ଏକ ସ୍ବତନ୍ତ୍ର ସମୟରେ ତାଙ୍କ ପାଇଁ ଦ୍ୱାର ଖୋଲାଥାଏ। ଆଶ୍ଚର୍ଯ୍ୟ ଲାଗିଲେ ହେଁ କଥାଟି ସତ। ସେଭଳି କିଛି ମନ୍ଦିର ହେଉଛି:
କାମାକ୍ଷା ମନ୍ଦିର: କାମାକ୍ଷା ମନ୍ଦିର ଆସାମର ଗୁଆହାଟିରେ ରହିଛି। କୁହାଯାଏ ଯେ ଶକ୍ତିପୀଠଗୁଡ଼ିକ ମଧ୍ୟରେ କାମାକ୍ଷା ମନ୍ଦିରର ସ୍ଥାନ ଶୀର୍ଷରେ। ମା’ଙ୍କ ‘ମହାବାର’ ସମୟରେ ଏଠାରେ ଉତ୍ସବ ପାଳନ କରାଯାଏ। ଏହି ଦିନ ପୁରୁଷଙ୍କ ପ୍ରବେଶ ବିଲ୍କୁଲ ବ୍ୟାନ୍ ହୋଇଥାଏ। ଏହି ସମୟରେ ଜଣେ ମହିଳା ମଧ୍ୟ ଦେବୀଙ୍କ ପୂଜା କରିଥାନ୍ତି। ମା’ ଏଠାକୁ ଆସୁଥିବା ସମସ୍ତ ଭକ୍ତଙ୍କ ମନୋସ୍କାମନା ପୂର୍ଣ୍ଣ କରିଥାନ୍ତି। କେହି କେହି ମନୋବାଞ୍ଛା ପୂରଣ ଲାଗି ଏଠାରେ କନ୍ୟା ପୂଜନ କରିଥାନ୍ତି। ପଶୁମାନଙ୍କ ବଳି ଦେଇଥାନ୍ତି। ଭଣ୍ଡାରା ଖୋଲିଥାନ୍ତି।
ବ୍ରହ୍ମା ଦେବ ମନ୍ଦିର, ପୁଷ୍କର, ରାଜସ୍ଥାନ: ଏହି ମନ୍ଦିର ରାଜସ୍ଥାନର ପୁଷ୍କରରେ ରହିଛି। ଭଗବାନ ବ୍ରହ୍ମାଙ୍କ ମନ୍ଦିରରେ ସାରା ଭାରତରେ କେବଳ ଏଠାରେ ହିଁ ଦେଖିବାକୁ ମିଳିଥାଏ। ଏହି ମନ୍ଦିର ୧୪ ଦଶକରେ ନିର୍ମାଣ କରାଯାଇଥିବା ବେଳେ ଏଠାରେ ପୁରୁଷଙ୍କୁ ଆସିବାକୁ ମନା। ଦେବୀ ସରସ୍ବତୀଙ୍କ ଅଭିଶାପ ଯୋଗୁ ଏଠାରେ କୌଣସି ବିବାହିତ ପୁରୁଷ ଯାଇପାରନ୍ତି ନାହିଁ। ଏଣୁ ସେମାନେ କେବଳ ବାହାରେ ହିଁ ରୁହନ୍ତି। ବିବାହିତ ମହିଳା ଭିତରକୁ ଯାଇ ପୂଜା କରି ଆସିଥାନ୍ତି।
ଭଗବତୀ ଦେବୀ ମନ୍ଦିର, କନ୍ୟାକୁମାରୀ: ଏହି ମନ୍ଦିରରେ ମା’ ଭଗବତୀଙ୍କୁ ପୂଜା କରାଯାଇଥାଏ। କୁହାଯାଏ ଭଗବାନ ଶିବଙ୍କୁ ସ୍ବାମୀ ରୂପରେ ପାଇବାକୁ ଚାହୁଁଥିବା ମହିଳା ତପସ୍ୟା ଲାଗି ଏଠାକୁ ଆସିଥାନ୍ତି। ମା’ ଭଗବତୀଙ୍କୁ ସନ୍ନ୍ୟାସର ଦେବୀ କୁହାଯାଏ। କେବଳ ସନ୍ନ୍ୟାସୀ ପୁରୁଷ ହିଁ ମା’ଙ୍କ ଦର୍ଶନ କରିପାରନ୍ତି। କେବଳ ଏତିକି ନୁହେଁ ମନ୍ଦିରରେ ପୂଜା କରିବାକୁ କେବଳ ମହିଳାଙ୍କୁ ଅନୁମତି ରହିଛି। ସେମାନଙ୍କ ବ୍ୟତିତ ମନ୍ଦିର ପ୍ରାଙ୍ଗଣରେ ପୂଜା ଲାଗି କିନ୍ନରମାନଙ୍କୁ ସ୍ବାଧୀନତା ଦିଆଯାଇଛି। ଯଦି କୌଣସି ପୁରୁଷ ଏଠାକୁ ଯିବାକୁ ଚାହେଁ ତେବେ ତାକୁ ଶୃଙ୍ଗାର କରିବାକୁ ପଡ଼ିଥାଏ।
ଅଟ୍ଟୁକଲ୍ ମନ୍ଦିର, କେରଳ:
କେରଳର ଏହି ମନ୍ଦିର ନାମ ଗିନିଜ ବୁକ ଅଫ ଓ୍ବାଲ୍ଡ ରେକର୍ଡରେ ସ୍ଥାନ ପାଇଛି। ଏହି ମନ୍ଦିରରେ ପୋଙ୍ଗଲ ଉତ୍ସବରେ ଭାଗ ନେବା ଲାଗି ଏକାସହ ୩୦ ଲକ୍ଷରୁ ଅଧିକ ମହିଳା ଆସିବା ଲାଗି ଏହି ରେକର୍ଡ ହୋଇଛି। ମନ୍ଦିରରେ ଭଦ୍ରକାଳୀଙ୍କ ପୂଜା କରାଯାଏ। ଏଠାରେ କିଛି ନିର୍ଦ୍ଧାରିତ ସମୟ ଲାଗି ପୁରୁଷଙ୍କ ଯିବା ଉପରେ ପ୍ରତିବନ୍ଧକ ଥାଏ।
