ହାଟଡ଼ିହୀ,୨୦ା୩(ଶୁଭକାନ୍ତ ନାୟକ): ରାଷ୍ଟ୍ରୀୟ ସେବିକା ସମିତି ପକ୍ଷରୁ କେନ୍ଦୁଝର ଜିଲା ହାଟଡ଼ିହୀ ହନୁମାନ ମନ୍ଦିର ପ୍ରାଙ୍ଗଣରେ ହିନ୍ଦୁ ନବବର୍ଷ ଗୁରୁବାର ପାଳନ ହୋଇଯାଇଛି। ଉପସ୍ଥିତ ସେବିକାମାନେ ପତାକା ଉତ୍ତୋଳନ ସ୍ବରୂପ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ। ହିନ୍ଦୁ ନବ ବର୍ଷର ମହତ୍ତ୍ୱ ଏବଂ ଗୁରୁତ୍ୱ ଉପରେ ଆଲୋଚନା କରିଥିଲେ। କାର୍ଯ୍ୟକ୍ରମରେ ମମତା ପଣ୍ଡା, ପ୍ରଣୟନୀ ବ୍ରହ୍ମ, ତୃପ୍ତିମୟୀ ଜେନା, ବବିତା ସାହୁ, ଦିପ୍ତିମୟୀ ଖୁଣ୍ଟିଆ, ବିଜୟାଲକ୍ଷ୍ମୀ ଜେନାଙ୍କ ସମେତ ଅନେକ ମହିଳା ଯୋଗଦେଇ ଭାରତ ମାତାଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରିଥିଲେ। ଏଥିସହ ଗୈରିକ ଧ୍ୱଜ ତଳେ ନିଜ ସଂସ୍କୃତି ପରମ୍ପରାକୁ ଆଗକୁ ନେବା ପାଇଁ ପ୍ରତିଜ୍ଞା କରିଥିଲେ।
