ମୁମ୍ବାଇ: ବଲିଉଡ ଅଭିନେତ୍ରୀ ହିନା ଖାନ ଅସୁସ୍ଥ ହୋଇ ପଡିଛନ୍ତି ଓ ଏହା ଭିତରେ ସେ ହସ୍ପିଟାଲରେ ଆଡମିଟ ହୋଇଛନ୍ତି। ସୋସିଆଲ ମିଡିଆ ମାଧ୍ୟମରେ ସେ ନିଜେ ଏହି ସୂଚନା ଦେଇଛନ୍ତି। ହିନା କହିଥିଲେ ଯେ ତାଙ୍କର ହାଇ ଫିଭର ଥିଲା, ଯେଉଁଥିପାଇଁ ତାଙ୍କୁ ହସ୍ପିଟାଲରେ ଭର୍ତ୍ତି କରିବାକୁ ପଡିଲା। ଏହା ସହିତ ପ୍ରଶଂସକମାନଙ୍କୁ ହେଲଥ ଅପଡେଟ ଦେଉଥିବାବେଳେ ହିନା କହିଛନ୍ତି ଯେ ସେ ଶୀଘ୍ର ସୁସ୍ଥ ହେବେ।
ଇନଷ୍ଟାଗ୍ରାମରେ ଅଭିନେତ୍ରୀ ଦୁଇଟି ଫଟୋ ଶେୟାର କରିଛନ୍ତି। ଗୋଟିଏ ଫଟୋରେ ସେ ହସ୍ପିଟାଲ ବେଡ ଉପରେ ବସିଥିବାର ନଜର ଆସିଛନ୍ତି। ଫଟୋର କ୍ୟାପସନରେ ସେ ଲେଖିଛନ୍ତି- ଲାଇଫ ଅପଡେଟ। ଫୋର୍ଥ ଡେ।
ଦ୍ୱିତୀୟ ଫଟୋରେ, ସେ ଏକ ଥର୍ମୋମିଟରର ଫଟୋ ଶେୟାର କରିଛନ୍ତି, ଯେଉଁଥିରେ ତାଙ୍କ ଶରୀରର ତାପମାତ୍ରା ୧୦୨ ଦେଖାଯାଉଛି । ଏହି ଫଟୋର କ୍ୟାପସନରେ ସେ ଲେଖିଛନ୍ତି – ମୋର ହାଇ ଫିଭର ଅଛି ଏବଂ ମୋର ଶେଷ ଚାରି ରାତି ବହୁତ ଖରାପ ଯାଇଛି। ଏହି ତାପମାତ୍ରା ତଳକୁ ଯାଉନାହିଁ । କ୍ରମାଗତ ଭାବରେ ୧୦୨-୧୦୩ ରେ ବଡି ଟେମ୍ପରେଚର ରହୁଛି। ବର୍ତ୍ତମାନ କୌଣସି ଶକ୍ତି ବାକି ନାହିଁ । ଅଭିନେତ୍ରୀ ମଧ୍ୟ ଲେଖିଛନ୍ତି – ଯେଉଁମାନେ ମୋ ବିଷୟରେ ଚିନ୍ତିତ ଅଛନ୍ତି, ସେମାନଙ୍କୁ ଜଣାନ୍ତୁ ଯେ ମୁଁ ଶୀଘ୍ର ବାଉନ୍ସ ବ୍ୟାକ କରିବି।
ସୂଚନାଯୋଗ୍ୟ, ଶୋ ୟେ ରିସ୍ତା କି୍ୟା କେହଲତା ହୈ i ଏହିଥିରୁ ହିଁ ହିନା ଖାନ ନାମ-ଖ୍ୟାତି ଲାଭ କରିଥିଲା। ଏହି ଶୋ ତାଙ୍କୁ ରାତାରାତି ପ୍ରସିଦ୍ଧ କରିଥିଲା। ଦୀର୍ଘ ସମୟ ଧରି ସେ ଶୋ’ର ଏକ ଅଂଶ ଥିଲେ। ଏହି ଶୋ ପରେ ତାଙ୍କୁ ବିଗ ବସରେ ଦେଖିବାକୁ ମିଳିଥିଲା। ହିନା ବିଗ ବସରେ ବହୁତ ଖ୍ୟାତି ଅର୍ଜନ କରିଥିଲେ। ତାଙ୍କ ଫ୍ୟାଶନ ସେନ୍ସ ମଧ୍ୟ ଚର୍ଚ୍ଚାରେ ଥିଲା । ବିଗ ବସ ପରେ ହିନାଙ୍କୁ ନାଗିନ ସିରିଜରେ ମଧ୍ୟ ଦେଖିବାକୁ ମିଳିଥିଲା। ପ୍ରଶଂସକମାନେ ତାଙ୍କ ଅଭିନୟକୁ ବହୁତ ପସନ୍ଦ କରନ୍ତି।
ଏହି ଅଭିନେତ୍ରୀ ବଲିଉଡରେ ମଧ୍ୟ ଡେବ୍ୟୁ କରିଛନ୍ତି। ତାଙ୍କୁ ବିକ୍ରମ ଭଟ୍ଟଙ୍କ ଫିଲ୍ମ ହ୍ୟାକଡରେ ଦେଖିବାକୁ ମିଳିଥିଲା।
