ଚଣ୍ଡିଗଡ,୨୮।୧୧: ହରିୟାଣାର ଭିବାନୀରୁ ଭାଇରାଲ ହେଉଛି ଏକ ସିସିଟିଭିରେ କଏଦ ହୋଇଥିବା ଭିଡିଓ। ଭିଡିଓରେ ଦେଖାଯାଉଛି, ଗୁଳି ମାଡ କରୁଥିବା କିଛି ଶୁଟର୍ସଙ୍କୁ ଜଣେ ମହିଳା ଝାଡୁ ଧରି ବାଡେଇବାକୁ ଗୋଡାଉଛନ୍ତି। ଜଣେ ବ୍ୟକ୍ତିଙ୍କ ଉପରେ ଏହି ଗୁଳିମାଡ ହେଉଛି। ସେ ହେଉଛନ୍ତି ହରି କିଷନ। ରବି ବକ୍ସର ହତ୍ୟା ମାମଲାରେ ହରି ଅଭିଯୁକ୍ତ ଅଛନ୍ତି। ଏହି ହତ୍ୟା ମାମଲାରେ ହରି ବାହାରେ ଅଛନ୍ତି। ସେ ଭିବାନୀର ଡାବର କଲୋନୀରେ ବସବାସ କରୁଛନ୍ତି।
The goons fired bullets at the young man.
But old Aunty came out of the nearby house with a stick and the shooters ran away.
The video is from #Haryana.
Brave & Fearless Lady👏👏#Firing WhatsApp #Deepfake #TejRAn #DelhiRains #SilkyaraTunnel pic.twitter.com/paIAPF1UOJ— Sunaina Bhola (@sunaina_bhola) November 28, 2023
ସଂଧ୍ୟା ସମୟରେ ହରି ନିଜ ଘର ବାହାରେ ଛିଡା ହୋଇଥିଲେ । ଏହି ସମୟରେ କିଛି ଦୁବୃର୍ତ୍ତ ଆସି ତାଙ୍କୁ ଅତର୍କିତ ଭାବେ ଗୁଳିମାଡ କରିଥିଲେ। ହରି କିଛି ବାଟ ନ ପାଇଁ ଘର ଭିତରକୁ ଧାଇଁଥିଲେ। ଏହି ସମୟରେ ତାଙ୍କୁ ୪ଟି ଗୁଳି ବାଜି ସାରିଥିଲା। ହରି ଘର ଭିତରକୁ ପଶି ଗେଟ୍ ବନ୍ଦ କରିଦେଇଥିଲେ। ଏହି ସମୟରେ ଶୁଟର୍ସମାନେ ଭିତରକୁ ପଶିବାକୁ ଉଦ୍ୟମ କରୁଥିଲେ। ଏହି ସମୟରେ ସେଠାରେ ଛିଡା ହୋଇଥିବା ଜଣେ ମହିଳା ଝାଡୁ ଧରି ବନ୍ଧୁକଧାରୀଙ୍କୁ ମାରିବା ପାଇଁ ଗୋଡାଇଲେ। ଶୁଟର୍ସଙ୍କ ମଧ୍ୟରୁ ଜଣେ ତାଙ୍କୁ ଶୁଟ୍ କରିବାକୁ ଉଦ୍ୟମ କରୁଥିଲେ ହେଁ ସେ ଭୟ ନ କରି ସେମାନଙ୍କୁ ପଳାୟନ କରିବାକୁ ବାଧ୍ୟ କରିଥିଲେ।
