ମୁମ୍ବାଇ,୨୪।୫: ଭାରତୀୟ କ୍ରିକେଟର ହାର୍ଦ୍ଦିକ ପାଣ୍ଡ୍ୟା ଏବଂ ସ୍ତ୍ରୀ ନତାଶା ଷ୍ଟାନକୋଭିକଙ୍କ ମଧ୍ୟରେ ସବୁକିଛି ଚାଲି ନ ଥିବା ସୋସିଆଲ ମିଡିଆରେ ଚର୍ଚ୍ଚା ହେଉଛି। ଉପରେ ପରସ୍ପରଠାରୁ ଅଲଗା ରହୁଥିବା କୁହାଯାଉଛି। ନତାଶା ଇନଷ୍ଟାଗ୍ରାମ ଆକାଉଣ୍ଟରୁ ପାଣ୍ଡ୍ୟା ସରନେମ୍ ହଟାଇ ଦେଇଛନ୍ତି। ଏହା ବ୍ୟତୀତ ସେ ହାର୍ଦ୍ଦିକଙ୍କ ସହ ତାଙ୍କର ସମସ୍ତ ଫଟୋ ମଧ୍ୟ କାଟିଦେଇଛନ୍ତି। ଏଥିରୁ ଅନୁମାନ କରାଯାଉଛି ଯେ ବୋଧହୁଏ ଉଭୟଙ୍କ ମଧ୍ୟରେ ସବୁକିଛି ଠିକ ଚାଲିନାହିଁ । ଉଭୟଙ୍କ ମଧ୍ୟରେ ସମ୍ପର୍କକୁ ନେଇ ବିବାଦ ଲାଗି ରହିଛି।
ହାର୍ଦ୍ଦିକ ପାଣ୍ଡ୍ୟା ଏବଂ ସର୍ବିଆର ମଡେଲ ନତାଶା ଷ୍ଟାନକୋଭିକ ମେ ୩୧, ୨୦୨୦ ରେ ବିବାହ କରିଥିଲେ। ଉଭୟେ ଏକ ବର୍ଷରେ ଏକ ପୁତ୍ର ସନ୍ତାନ ଜନ୍ମ ଦେଇଥିଲେ, ଯାହାଙ୍କ ନାମ ଅଗସ୍ତ୍ୟ। ଉଭୟ ପ୍ରାୟତଃ ସୋସିଆଲ ମିଡିଆରେ ପରିବାର ସହିତ ଫଟୋ ଶେୟାର କରୁଥିଲେ। ମ୍ୟାଚ ସମୟରେ ଷ୍ଟାଡିୟମରେ ନତାଶା ହାର୍ଦ୍ଦିକଙ୍କୁ ଚିୟର କରୁଥିବା ଦେଖିବାକୁ ମିଳିଥିଲା, କିନ୍ତୁ ଏହି ଆଇପିଏଲ ସିଜନରେ ଏହା ଦେଖାଯାଇ ନ ଥିଲା। ଗତ ମାର୍ଚ୍ଚ ୪ରେ ନତାଶା ଷ୍ଟାନକୋଭିକଙ୍କ ଜନ୍ମଦିନ ମଧ୍ୟ ହୋଇଥିଲା। ସେଦିନ ହାର୍ଦ୍ଦିକ ପାଣ୍ଡ୍ୟାଙ୍କ ଠାରୁ ତାଙ୍କ ପାଇଁ କୌଣସି ପୋଷ୍ଟ କରି ନ ଥିଲେ।
