ଜେରୁଜେଲମ,୨।୧୧ : ଆତଙ୍କବାଦୀ ସଂଗଠନ ହମାସର ପ୍ରତିଷ୍ଠାତା ଶେଖ ହାସନ ୟୁସୁଫଙ୍କ ପୁଅ ମୋସାବ ହାସନ ୟୁସୁଫ ଏକ ବିସ୍ଫୋରକ ମନ୍ତବ୍ୟ ଦେଇଛନ୍ତି। ହମାସ ଆତଙ୍କବାଦୀମାନେ ପାଲେଷ୍ଟାଇନ ପିଲାମାନଙ୍କୁ ଅ ଅମାନୁଷିକ ଭାବେ ହତ୍ୟା କରୁଛନ୍ତି। ବ୍ରିଟିଶ ଖବରଦାତାଙ୍କୁ ଦେଇଥିବା ଏକ ସାକ୍ଷାତକାରରେ ମୋସାବ କହିଛନ୍ତି ହମାସ ଟଙ୍କା ପାଇଁ ପିଲାମାନଙ୍କ ଗଳା କାଟୁଛି।
ଇସ୍ରାଏଲ ପ୍ରତିରକ୍ଷା ବାହିନୀ (ଆଇଡିଏଫ) ଟୁଇଟରରେ ମୋସାବଙ୍କର ଏକ ଭିଡିଓ କ୍ଲିପ ଶେୟାର କରିଛି ଯେଉଁଥିରେ ସେ କହିଛନ୍ତି କ୍ଷମତା ଏବଂ ରାଜନୈତିକ ଅଭିଳାଷ ପାଇଁ ହମାସର ଲୋଭ ଯୋଗୁ ଗାଜାବାସୀ ଦୀର୍ଘ ଦିନରୁ ନିର୍ଯାତିତ ହୋଇଆସୁଛନ୍ତି। ହମାସ ଯୋଗୁ ସେମାନଙ୍କୁ ଇସ୍ରାଏଲର ଅବରୋଧ, ହିଂସା ଏବଂ ଯୁଦ୍ଧ ସହିବାକୁ ପଡୁଛି। ହମାସ ପାଇଁ ଯୁଦ୍ଧ ଏକ ଖେଳ ପରି। ଯେତେବେଳେ ବି ହମାସ ଟଙ୍କା ଆବଶ୍ୟକ କରେ, ଏକ ଯୁଦ୍ଧ ଆରମ୍ଭ କରେ ।
ଗତ ମାସରେ ଗାଜାର ଏକ ଡାକ୍ତରଖାନାରେ ବିସ୍ଫୋରଣ ପରେ ୟୁସୁଫ କହିଥିଲେ ଡାକ୍ତରଖାନାରେ ଥିବା ଶତାଧିକ ଲୋକଙ୍କର ମୃତ୍ୟୁ ଘଟିଛି। ମୋସାବ କହିଛନ୍ତି ଏହି ଆକ୍ରମଣ ପାଇଁ ଇସ୍ରାଏଲ ଦାୟୀ । ଗଣତାନ୍ତ୍ରିକ ଉପାୟରେ ନିର୍ବାଚିତ ସରକାରଙ୍କ ନିକଟରେ ଇସ୍ରାଏଲ ସେନା ଉତ୍ତରଦାୟୀ, ଏହା ଏହା କରିପାରିବ ନାହିଁ। ଯେତେବେଳେ କି, ହମାସ ଉପରେ କାହାର ନିୟନ୍ତ୍ରଣ ନାହିଁ ।
