ଭୁବନେଶ୍ୱର,୧୧।୨: ଗତ କିଛି ମାସ ହେବ ଇନ୍ଷ୍ଟା ଲୋନ୍ ପ୍ରଦାନ କ୍ଷେତ୍ରରେ ଏଲ୍ ଆଣ୍ଡ ଟି ଫାଇନାନସିଆଲ ସର୍ଭିସେସ୍ (ଏଲ୍ଟିଏଫ୍ଏସ୍)ର ଦମ୍ଦାର ଅଭିବୃଦ୍ଧି ଦେଖିବାକୁ ମିଳିଛି। ଏହା ଏକ ଗ୍ରାହକ କୈନ୍ଦ୍ରିକ ରିଟେଲ ଫାଇନାନ୍ସ କମ୍ପାନୀ ଭାବେ ଆକର୍ଷଣୀୟ ବୃଦ୍ଧି ଘଟାଇପାରିଛି। ଏପରିକି ୨୦୨୨ ସେପ୍ଟେମ୍ବରରେ ଏଲ୍ଟିଏଫ୍ଏସ୍ର ଉକ୍ତ ସେବା ଆରମ୍ଭ ହେବା ଦିନଠାରୁ ଲୋକପ୍ରିୟତା ହାସଲ କରିଛି। ସେହିଭଳି ଇନ୍ଷ୍ଟା ଲୋନ୍ ପ୍ରଦାନ କ୍ଷେତ୍ରରେ ମଜଭୁଦ ଅଭିବୃଦ୍ଧି ସହ ୨୦୨୩ ଜାନୁୟାରୀ ଶେଷସୁଦ୍ଧା ଏହା ୯୧.୪ କୋଟି ଟଙ୍କାରେ ପହଞ୍ଚତ୍ଛି, ଯାହା ୨୦୨୨ ଅକ୍ଟୋବର ଶେଷ ସୁଦ୍ଧା ୨୨କୋଟି ଟଙ୍କା ଥିଲା। ଏହି ବର୍ଗରେ ଗ୍ରାହକ ଋଣ ଆବେଦନ କରିବାର ୭ମିନିଟ୍ ମଧ୍ୟରେ ସମସ୍ତ ପଦ୍ଧତିଗତ ପ୍ରକ୍ରିୟା ସମ୍ପୂର୍ଣ୍ଣ କରାଯାଇଥାଏ। ଏହାଦ୍ୱାରା ଉନ୍ନତର ଟର୍ନ ଆରାଉଣ୍ଡ ଟାଇମ (ଟିଏଟି) ସହଜ ଓ ସ୍ବାଚ୍ଛନ୍ଦ୍ୟପୂର୍ଣ୍ଣ ବ୍ୟବସ୍ଥା ଉପଲବ୍ଧ ହୋଇଥାଏ। ଏହା ଋଣ ଉପତ୍ାଦ ନିମନ୍ତେ ଏକ ଗ୍ରାହକଙ୍କୁ ଉପଯୁକ୍ତ ମୂଲ୍ୟ ପ୍ରଦାନ କରିଥାଏ। ଏପରିକି ଗ୍ରାହକମାନେ ୫୦,୦୦୦ ଟଙ୍କାରୁ ୭ଲକ୍ଷ ଟଙ୍କା ପର୍ଯ୍ୟନ୍ତ ଋଣ ନେଇପାରିବେ। ସେଥିପାଇଁ ପରିଶୋଧ ସମୟ ୧୨ରୁ ୪୮ ମାସ ରହିଛି।
ଏ ସମ୍ପର୍କରେ ଏଲ୍ଟିଏଫ୍ଏସ୍ର ଏମ୍ଡି ତଥା ସିଇଓ ଦୀନନାଥ ଦୁଭାଷୀ କହିଛନ୍ତି, ଆମେ ଗ୍ରାହକଙ୍କ ଆବଶ୍ୟକତା ଉପରେ ବର୍ଦ୍ଧିତ ଦୃଷ୍ଟି ନିବଦ୍ଧ କରିଥାଉ। ଏପରିକି ଉକ୍ତ ଶ୍ରେଣୀରେ ସର୍ବୋତ୍ତମ ଉପତ୍ାଦକୁ ନେଇ ଏବଂ ଗ୍ରାହକଙ୍କ ପାଇଁ ସେବା ଯୋଗାଣ ତଥା ଉନ୍ନତ ଟର୍ନ ଆରାଉଣ୍ଡ ଟାଇମ ନିମନ୍ତେ ଆମର ରିଟେଲ ପୋର୍ଟଫୋଲିଓକୁ ସମ୍ପ୍ରସାରିତ କରୁଛୁ। ଆମର ଗତ ତ୍ରୈମାସିକ ଆର୍ଥିକ ଫଳାଫଳରୁ ଏହା ସ୍ପଷ୍ଟ ଯେ ଆମେ ଆମର ଲକ୍ଷ୍ୟ ୨୦୨୬ ଦୂରଦୃଷ୍ଟି ହାସଲ ଦିଗରେ ଠିକ୍ ଦିଗରେ ଅଗ୍ରସର ହେଉଛୁ।
