ବଲାଙ୍ଗୀର,୨୧।୧୧: ବଲାଙ୍ଗୀର ସହର ଭିତରେ ଗୋଷ୍ଠୀ ସଂଘର୍ଷ। ଜଣେ ଯୁବକ ହେଲେ ଗୁରୁତର। ବଲାଙ୍ଗୀର ଆନନ୍ଦନଗର ପଡ଼ାରେ ଦୁଇଟି ଗ୍ରୁପରେ ପ୍ରାୟ ଦଶ ଜଣ ଯୁବକ ମାଡ଼ ପିଟ ହେଇଥିଲେ। ଦୁଇ ଗୋଷ୍ଠୀ ଭିତରୁ ଭାସ୍କର ପରିଛା ନାମକ ଜଣେ ଯୁବକଙ୍କୁ ଏକ ଧାରୁଆ ଅସ୍ତ୍ରରେ ଆକ୍ରମଣ କରାଯାଇଥିଲା l ଯୁବକ ଜଣକ ଗୁରୁତର ଅବସ୍ଥାରେ ଉଦ୍ଧାର କରି ଟାଉନ ପୋଲିସ ଭୀମଭୋଇ ମେଡିକାଲ କଲେଜ ହସ୍ପିଟାଲକୁ ଆଣି ଭର୍ତ୍ତି କରିଥିଲା। ତାଙ୍କ ଅବସ୍ଥା ଗୁରୁତର ହେବାରୁ ଡାକ୍ତର ବୁର୍ଲାକୁ ରେଫର କରିଥିବା ଜଣାଯାଇଛି l ପୋଲିସ ଘଟଣାର ତଦନ୍ତ କରୁଛି।
ବଲାଙ୍ଗୀର ସହରରେ ଦିନକୁ ଦିନ ଆଇନ ଶୃଙ୍ଖଳା ବିଗିଡିବାରେ ଲଗିଛି। ପୋଲିସ ପକ୍ଷରୁ କୌଣସି କଡ଼ାକଡ଼ି ପଦକ୍ଷେପ ନିଆଯାଉନାହିଁ l ଅନ୍ୟପଟେ ସହରରେ ନିଶା କାରବାର ବଢ଼ିବାରେ ଲାଗିଛି ଏପରିକି ଗ୍ରାମାଞ୍ଚଳରେ ମଧ୍ୟ ନିଶା କାରବାର ଚେର ଲମ୍ବିବାର ଲାଗିଛି। ହେଲେ ପୋଲିସ ପକ୍ଷରୁ ଅପରାଧୀମାନଙ୍କୁ କାବୁ କରିବା ପାଇଁ କୌଣସି ଆଖି ଦୃଶିଆ କାର୍ଯ୍ୟାନୁଷ୍ଠନ ଗ୍ରହଣ କରାଯାଉ ନ ଥିବା ବୁଦ୍ଧିଜୀବୀ ମହଲରେ ଏବେ ଆଲୋଚନା ହେଉଛି l
Dharitri – Odisha’s No.1 Odia Daily
