ମହାକାଳପଡ଼ା,୧୫ା୯(ପ୍ରତାପ ଚନ୍ଦ୍ର ସ୍ବାଇଁ: କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳରେ ବିପର୍ଯ୍ୟୟକୁ ରୋକିବା ପାଇଁ ବ୍ୟାପକ ଚାରାରୋପଣ କରି ଆଗେଇ ଆସିଛନ୍ତି ଜମ୍ବୁ ଅଞ୍ଚଳର ବନ୍ଧନ ମହିଳା ଗୋଷ୍ଠୀ ସଙ୍ଗଠନର ସଦସ୍ୟାମାନେ। ମହିଳାମାନଙ୍କ କହିବା କଥା, ସମୟ ଆସିବ ଶୁଦ୍ଧ ଅମ୍ଳଜାନ ମିଳିବ ନାହିଁ। ବଞ୍ଚତ୍ବା ପାଇଁ ଶୁଦ୍ଧ ବାୟୁ ପାଇବାକୁ ନିଜେ ସବୁଜ ବଳୟ ସୃଷ୍ଟି କରିବା ଆବଶ୍ୟକତା ରହିଛି। ସେଥିପାଇଁ ଗଛ ମା’ ହେଲା ଦ୍ୱିତୀୟ ଜନ୍ମଦାତ୍ରୀ। ଗଛ ମା’କୁ ସେବା କରିବା ସୁଯୋଗ ମିଳିଛି ବୋଲି ମହିଳାମାନେ ଆଗେଇ ଆସି ମା’ ପାଇଁ ଗଛଟିଏ ଲଗାଇ ଆଗାମୀ ଭବିଷ୍ୟତ ଦାୟାଦଙ୍କ ପାଇଁ ଉଦାହରଣ ସୃଷ୍ଟି କରିବାକୁ ଶପଥ ନେଇଛନ୍ତି। ଏହି ଅବସରରେ ଜମ୍ବୁ ଗ୍ରାମର ମହିଳା ଗୋଷ୍ଠୀ ସଙ୍ଗଠିତ ହୋଇ ସଂଖ୍ୟାଧିକ ଚାରାରୋପଣ କରିଛନ୍ତି।
ବଙ୍ଗୋପସାଗର କୂଳରେ ଜମ୍ବୁ ଗ୍ରାମ ଅବସ୍ଥିତ ଥିବାରୁ ବହୁ ସମୟରେ ସାମୁଦ୍ରିକ ବାତ୍ୟା, ସୁନାମି ଆଶଙ୍କା ରହିଛି। ପ୍ରଚୁର ମାତ୍ରାରେ ବିଶେଷକରି ଲୁଣା ହେନ୍ତାଳ ଜଙ୍ଗଲ ସୃଷ୍ଟି କରିବାକୁ ସେମାନେ ଆଗଭର ହେଉଛନ୍ତି। କାହିଁକି ନା ସାମୁଦ୍ରିକ ବିପର୍ଯ୍ୟୟକୁ ରୋକିବାକୁ ହେଲେ ହଜାର ହଜାର ସଂଖ୍ୟାରେ ଲୁଣା ହେନ୍ତାଳ ଜଙ୍ଗଲ ସୃଷ୍ଟି ଦରକାର। ଏହାହେଲେ ବିପର୍ଯ୍ୟୟ ଦାଉରୁ ଜନଜୀବନ ବଞ୍ଚତ୍ବ ବୋଲି ମହିଳାମାନେ କହିଛନ୍ତି। ଉଭୟ କେନ୍ଦ୍ର ଓ ରାଜ୍ୟ ସରକାର ବ୍ୟାପକ ଚାରାରୋପଣ କରିବାକୁ ପଦକ୍ଷେପ ନେଇଛନ୍ତି। ପ୍ରଧାନମନ୍ତ୍ରୀଙ୍କ ସନ୍ଦେଶ ମା’ ପାଇଁ ଗଛଟିଏ ଲଗାଇଲେ ଏ ବିଶ୍ୱ ସମାଜର ଜୀବଜଗତ ବଞ୍ଚତ୍ବ। ବ୍ଲକ ଅଧୀନ ଜମ୍ବୁ-ଭାଟେଣି ସଂଲଗ୍ନ ଗୋବରୀ ନଦୀକୂଳରେ ଲୁଣା ଜଙ୍ଗଲ ସୃଷ୍ଟି କରିବାକୁ ମହିଳା ଗୋଷ୍ଠୀ ଚାରାରୋପଣ କରିଛନ୍ତି। ଏହି ଅବସରରେ ପରିବେଶବିତ୍ ଗୌତମ ଗାୟନଙ୍କ ନେତୃତ୍ୱରେ ମହିଳାମାନେ ରବିବାର ଅପରାହ୍ନରେ ମିଳିତ ହୋଇ ପରିବେଶ ସମ୍ପର୍କିତ ସଚେତନତା କାର୍ଯ୍ୟକ୍ରମ କରିଛନ୍ତି। ଦକ୍ଷିଣ ଜମ୍ବୁ ମା’ ଗଙ୍ଗାମାତା ପଡ଼ିଆଠାରେ ସବୁଜ ବଳୟ ସୃଷ୍ଟି କରିବାକୁ ବିଭିନ୍ନ କିସମର ଲୁଣା ଜାତୀୟ, ଦେଶୀୟ ଚାରା, ଔଷଧୀୟ ଗୁଣ ଚାରା ଲଗାଇବା ସହ ସମାଜକୁ ନୂଆ ବାର୍ତ୍ତା ଦେଇଛନ୍ତି। ରବିବାର ୨୦୦ ଚାରା ରୋପଣ କରାଯାଇଛି। ଆଗାମୀଦିନରେ ଏହି ଉପକୂଳ ଅଞ୍ଚଳ ନଦୀକୂଳ, ବାଡ଼ି ବଗିଚା, ନଦୀବନ୍ଧ ପାର୍ଶ୍ୱରେ ୫ ହଜାରରୁ ଅଧିକ ବିଭିନ୍ନ ପ୍ରଜାତିର ଚାରାରୋପଣ କରାଯିବ ବୋଲି ପରିବେଶବିତ୍ ଗାୟନ ଓ ମହିଳାମାନେ ଶପଥ ନେଇଥିଲେ। ଏହି କାର୍ଯ୍ୟକ୍ରମରେ ବନ୍ଧନ ମହିଳା ଗୋଷ୍ଠୀ ସମ୍ପାଦକ କନକଲତା ଗାୟନ, କାକଳୀ ବୈଦ, ଭବାନୀ ମଣ୍ଡଳ, ପିଙ୍କି ଦାସ, ସା ମାଝୀ, ଝୁମା ସିଂ, ନମିତା ସରକାର, ଚନ୍ଦନା ମଣ୍ଡଳ, ମୌସୁମୀ ମଣ୍ଡଳ ଓ ବୈଶାଖୀ ଜର୍ଦ୍ଦାରଙ୍କ ସମେତ ବହୁସଂଖ୍ୟାରେ ମହିଳା ଉପସ୍ଥିତ ଥିଲେ।
