ଭୁବନେଶ୍ୱର,୧୮।୬: ସରକାର ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ଓଡ଼ିଶାର ୭୦୭ଟି ଦୁର୍ଗମ ଗାଁରେ ୪ଜି ଟାୱାର ସ୍ଥାପନ କରିବାକୁ ନିଷ୍ପତ୍ତି ନିଆଯାଇଛି। ଏନେଇ ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତି ବିଭାଗ ACSଙ୍କ ପକ୍ଷରୁ ଜିଲାପାଳମାନଙ୍କୁ ଚିଠି କରାଯାଇଛି। ଏପରିକି ତୁରନ୍ତ ଜମି ହସ୍ତାନ୍ତର ପାଇଁ ଜିଲାପାଳଙ୍କୁ ଜରୁରୀ ନିର୍ଦ୍ଦେଶ ଦିଆଯାଇଛି। ଦୁର୍ଗମ ଅଞ୍ଚଳରେ ଡିଜିଟାଲ ସଂଯୋଗ ପାଇଁ ଏହି ପଦକ୍ଷେପ ନିଆଯାଇଛି।
୨୪ ଜିଲାର ୭୦୭ଟି ନୂଆ ସ୍ଥାନରେ ୪ଜି ଟାୱାର ସ୍ଥାପନ କରାଯିବ। ଏନେଇ ଆବଶ୍ୟକ ସରକାରୀ ଜମି ଯୋଗାଇ ଦେବାକୁ ଜିଲାପାଳଙ୍କୁ ନିର୍ଦ୍ଦେଶ ଦିଆଯାଇଛି। ପ୍ରାୟ ୨,୦୦୦ ବର୍ଗଫୁଟ ଜମିର ଅଗ୍ରୀମ ଦଖଲ BSNLକୁ ଦିଆଯିବ। ଏପରିକି ନୋ ଅବଜେକ୍ସନ ସର୍ଟିଫିକେଟ’ ଜାରି ପାଇଁ ଜିଲାପାଳଙ୍କୁ କୁହାଯାଇଛି। ରାଜ୍ୟର ମୟୂରଭଞ୍ଜ, ସୁନ୍ଦରଗଡ଼ ଭଳି ଆଦିବାସୀ ଓ ପାହାଡ଼ିଆ ଜିଲାରେ ପ୍ରାଧାନ୍ୟ ଟାୱାର ନିର୍ମାଣ ନେଇ ପ୍ରଧାନ୍ୟ ଦିଆଯାଇଛି।
