ଶ୍ରୀନଗର,୧୦।୫: ଜମ୍ମୁ-କଶ୍ମୀରର ରାଜୌରୀରେ ପାକିସ୍ତାନ ପକ୍ଷରୁ ହୋଇଥିବା ଗୁଳିମାଡ଼ରେ ଜଣେ ସରକାରୀ ଅଧିକାରୀଙ୍କ ମୃତ୍ୟୁ ହୋଇଛି। ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ଏହି ସୂଚନା ଦେଇଛନ୍ତି। ଅବଦୁଲ୍ଲା ଅଧିକାରୀଙ୍କ ମୃତ୍ୟୁରେ ଗଭୀର ଶୋକ ପ୍ରକାଶ କରିଛନ୍ତି ଏବଂ ଏକ୍ସରେ ଏକ ପୋଷ୍ଟ ଲେଖିଛନ୍ତି।
ସେ ଲେଖିଛନ୍ତି, ରାଜୌରୀରୁ ଏକ ହୃଦୟବିଦାରକ ଖବର। ଆମେ ଜମ୍ମୁ ଏବଂ କଶ୍ମୀର ପ୍ରଶାସନିକ ସେବାର ଜଣେ ଉତ୍ସର୍ଗୀକୃତ ଅଧିକାରୀଙ୍କୁ ହରାଇଛୁ। ଗତକାଲି ପର୍ଯ୍ୟନ୍ତ ସେ ଉପମୁଖ୍ୟମନ୍ତ୍ରୀଙ୍କ ସହିତ ଜିଲା ଗସ୍ତ କରୁଥିଲେ ଏବଂ ମୋ ଦ୍ୱାରା ଆୟୋଜିତ ଅନଲାଇନ ବୈଠକରେ ମଧ୍ୟ ଅଂଶଗ୍ରହଣ କରିଥିଲେ। ଆଜି ତାଙ୍କ ବାସଭବନରେ ପାକିସ୍ତାନ ପକ୍ଷରୁ ଗୁଳିବର୍ଷା ହୋଇଥିଲା, ଯେଉଁଥିରେ ଅତିରିକ୍ତ ଜିଲା ବିକାଶ କମିଶନର ରାଜ କୁମାର ଥାପ୍ପା ଶହୀଦ ହୋଇଥିଲେ। ଏହି ଦୁଃଖଦ କ୍ଷତି ପାଇଁ ମୋ ପାଖରେ ଶୋକ କରିବା ପାଇଁ କୌଣସି ଶବ୍ଦ ନାହିଁ। ତାଙ୍କ ଆତ୍ମାକୁ ଶାନ୍ତି ମିଳୁ।
ପାକିସ୍ତାନ ପକ୍ଷରୁ ନିରନ୍ତର ଗୁଳିବର୍ଷା ହେଉଛି। ସୀମାନ୍ତବର୍ତ୍ତୀ ଜମ୍ମୁ ଅଞ୍ଚଳର ଅତି କମରେ ୫ଟି ଜିଲାରୁ ଲୋକଙ୍କୁ ସୁରକ୍ଷିତ ସ୍ଥାନକୁ ପଠାଯାଉଛି। ପାକିସ୍ତାନ ନିରନ୍ତର ନିୟନ୍ତ୍ରଣ ରେଖା ଏବଂ ଅନ୍ତର୍ଜାତୀୟ ସୀମାରେ ଗୁଳିବର୍ଷା କରି ପୁଞ୍ଚ, ମାନକୋଟ, ମେନ୍ଧାର, ନୌଶେରା, ଅଖନୁର, ଆର.ଏସ.ରେ କ୍ଷତି ପହଞ୍ଚାଇଛି।
Devastating news from Rajouri. We have lost a dedicated officer of the J&K Administration Services. Just yesterday he was accompanying the Deputy CM around the district & attended the online meeting I chaired. Today the residence of the officer was hit by Pak shelling as they…
— Omar Abdullah (@OmarAbdullah) May 10, 2025
