ନୂଆଦିଲ୍ଲୀ,୩୦।୩: ବହୁ ରାଷ୍ଟ୍ରୀୟ ସର୍ଚ୍ଚ ଇଞ୍ଜିନ କମ୍ପାନୀ ଗୁଗଲର ମନମାନୀ ଓ ଆଇଟି କ୍ଷେତ୍ରରେ ବିଭିନ୍ନ ପ୍ରକାରର ଅପବ୍ୟବହାର ବିରୋଧରେ ଦୀର୍ଘ ବର୍ଷ ହେବ ଆଇନଗତ ଲଢେଇ ଜାରି ରହିଛି। ଏପରିକି ବୁଧବାର ନ୍ୟାସନାଲ କମ୍ପାନି ଲ ଅପିଲେଟ୍ ଟ୍ରିବ୍ୟୁନାଲ (ଏନସିଏଲଏଟି) ମଧ୍ୟ ଗୁଗଲର ଆବେଦନ ବିରୋଧ ଶୁଣାଣି କରି ପୂର୍ବ ନଷ୍ପେତ୍ତି ଅନୁଯାୟୀ ଗୁଗୁଲ ଜରିମାନ ଦେବ ବୋଲି ଏନସିଏଲଏଟ ପକ୍ଷରୁ କୁହାଯାଇଛି। ବିଶେଷ କରି ଭାରତୀୟ ପ୍ରତିଦ୍ୱନ୍ଦ୍ୱୀତା ଆୟୋଗ (ସିସିଆଇ) ଆଣ୍ଡ୍ରଏଡର ଅପବ୍ୟବହାର ଓ ଆବଶ୍ୟକତାର ଦୁରୁପଯୋଗକୁ ନେଇ ଗୁଗଲ ଉପରେ ପ୍ରାୟ ୧୩୩୮ (୧୩୩୭.୭୬) କୋଟି ଟଙ୍କାର ଜରିମାନା ଲଗାଇଥିଲା। ସେହିଭଳି ଗୁଗଲ ପାଖରେ ବର୍ତ୍ତମାନ ବି ଉକ୍ତ ଆଦେଶ ବିରୋଧରେ ସୁପ୍ରିମକୋର୍ଟରେ ଅପିଲ୍ କରିବାର ସୁଯୋଗ ରହିଛି। ହେଲେ ସିସିଆଇ ପ୍ରକାର ପକ୍ଷପାତିତା କରିଥିବା ନେଇ ଗୁଗଲ ରଖିଥିବା ଯୁକ୍ତିକୁ ଟ୍ରିବ୍ୟୁନାଲର ଶୁଣାଣି ସମୟରେ ଖାରଜ କରାଯାଇଛି। ଏପରିକି ଗୁଗଲକୁ ଉକ୍ତ ପରିମାଣର ଜରିମାନା ରାଶି ପୈଠ କରିବା ପାଇଁ ୩୦ଦିନର ସମୟ ଦିଆଯାଇଛି।
ଏ ନେଇ ଏନସିଏଲଏଟି କହିଛି ଯେ ସ୍ମାର୍ଟଫୋନ କମ୍ପାନିଗୁଡିକୁ ଗୁଗଲର ମନମାନି ଓ ଆପ ବିରୋଧରେ ଅଭିଯୋଗ କରିଥିଲେ। ବିଶେଷ କରି ଗୁଗୁଲ ୧୧ ଆପକୁ ପୂର୍ବରୁ ଇନଷ୍ଟଲ କରିବା ପାଇଁ କମ୍ପାନୀ କହିଥାଏ, ଯାହା ବ୍ୟବସାୟର ଭୁଲ ବାଟ ଅଟେ। ଟ୍ରିବ୍ୟୁନାଲ ଏହା ମଧ୍ୟ କହିଛନ୍ତି ଯେ ଗୁଗଲ ପ୍ରକୃତରେ କମ୍ପାନିଗୁଡିକୁ ନିଜସ୍ବ ଆଣ୍ଡ୍ରଏଡ ବିକଶିତ କରିବାରେ ପ୍ରତିବନ୍ଧକ ଲଗାଉଛି। ଏପରିକି କମ୍ପାନୀ ଏଥିପାଇଁ ଆଣ୍ଟି ଫ୍ରେଗମେଣ୍ଟସନ ଏଗ୍ରିମେଣ୍ଟ (ଏଏଫଏ)ର ବ୍ୟବହାର କରିଥାଏ। ଉଲ୍ଲେଖଯୋଗ୍ୟ ୨୦୧୮ ରେ ଆଣ୍ଡ୍ରଏଡ ୟୁଜର୍ସ ସିସିଆଇ ନିକଟରେ ଗୁଗଲ ବିରୋଧରେ ଫେରାଦ ହୋଇଥିଲେ। ଏପରିକି ଗୁଗଲ ମୋବାଇଲ୍ ଅପରେଟିଂ ସିଷ୍ଟମ ସହ ଜଡିତ ମାର୍କେଟରେ ନିଜର ଦବଦବା ଓ ଅପବ୍ୟବହାର କରୁଛି ବୋଲି ମୋବାଇଲ ନିର୍ମାତାମାନେ ଅଭିଯୋଗ କରିଥିଲେ। ଯାହା ପ୍ରତିଦ୍ୱନ୍ଦ୍ୱୀତା ଆକ୍ଟର ଉଲ୍ଲଂଘନ କରୁଛି, ଗୁଗଲର ଏମଏଡିଏ ନୀତିକୁ ମଧ୍ୟ ସେମାନେ ବିରୋଧ କରିଥିଲେ। ଉକ୍ତ ନୀତି ଅନୁସାରେ ଗୁଗଲ ସ୍ମାର୍ଟଫୋନ କମ୍ପାନିଗୁଡିକୁ ନିଜ ଫୋନରେ ଗୁଗଲ ମୋବାଇଲ ସର୍ଭିସେଜ୍ ସୁଇଚ ଅର୍ଥାତ ଏହା ଆପକୁ ପ୍ରି ଇନଷ୍ଟଲ କରିବାକୁ କହିଥାଏ। ଫଳରେ କମ୍ପାନୀଗୁଡିକ ବିଶେଷ ଭାବେ ପ୍ରଭାବିତ ହେଉଥିବାରୁ ଏହା ଉପରେ ତଦନ୍ତ କରି ସିସିଆଇ ୨୦୨୨ ଅକ୍ଟୋବର ୨୦ରେ ଗୁଗଲ ଉପରେ ପ୍ରାୟ ୧୩୩୮ କୋଟି ଟଙ୍କାର ଜରିମାନା ଲଗାଇଥିଲେ।
