ନୂଆଦିଲ୍ଲୀ,୪।୭: କେନ୍ଦ୍ର ସରକାରୀ କର୍ମଚାରୀଙ୍କ ପାଇଁ ଖୁସି ଖବର। ମୋଦି ସରକାର ପୁଣିଥରେ ଏକ ବଡ଼ ଉପହାର ଦେବାକୁ ଯାଉଛନ୍ତି କେନ୍ଦ୍ରୀୟ କର୍ମଚାରୀମାନେ ଜୁଲାଇ ୨୦୨୫ରୁ ୪% DA ବୃଦ୍ଧି କରିବେ। ଏହା ସହିତ, ମହଙ୍ଗା ଭତ୍ତା ବର୍ତ୍ତମାନର ୫୫% ରୁ ୫୯% କୁ ବୃଦ୍ଧି ପାଇବ।
ମେ ୨୦୨୫ରେ,ଔଦ୍ୟୋଗିକ ଶ୍ରମିକଙ୍କ ପାଇଁ ଅଲ ଇଣ୍ଡିଆ କଞ୍ଜ୍ୟୁମର ପ୍ରାଇସ ଇଣ୍ଡେକ୍ସ ଫର ଇଣ୍ଡଷ୍ଟ୍ରିଆଲ୍ ଓ୍ବାର୍କର୍ସକ୍ସ (AICPI-IW) ୦.୫ ପଏଣ୍ଟ ବୃଦ୍ଧି ପାଇ ୧୪୪ରେ ପହଞ୍ଚିଛି, ଯାହା ମାର୍ଚ୍ଚରେ ୧୪୩ ଏବଂ ଏପ୍ରିଲରେ ୧୪୩.୫ ଥିଲା। ଏହି କାରଣରୁ, ମହଙ୍ଗା ଭତ୍ତା ୪% ବୃଦ୍ଧି କରିବାକୁ ନିଷ୍ପତ୍ତି ନିଆଯାଇପାରେ। ଯଦି ସୂଚକାଙ୍କ ଏହି ଗତିରେ ବୃଦ୍ଧି ପାଇବା ଜାରି ରହେ ଏବଂ ଜୁନରେ ୧୪୪.୫ରେ ପହଞ୍ଚିଯାଏ, ତେବେ AICPI-IWର ୧୨ ମାସର ହାରାହାରି ପ୍ରାୟ ୧୪୪.୧୭ରେ ପହଞ୍ଚିବା ଆଶା କରାଯାଉଛି।
ସରକାର ମୁଦ୍ରାସ୍ଫୀତି ଟ୍ରାକ କରିବା, ମହଙ୍ଗା ଭତ୍ତା ନିୟନ୍ତ୍ରଣ କରିବା ଏବଂ ନୀତି ପ୍ରସ୍ତୁତ କରିବା ପାଇଁ AICPI-IW ସୂଚକାଙ୍କ ବ୍ୟବହାର କରନ୍ତି। AICPI-IW ବୃଦ୍ଧି ଅର୍ଥ ହେଉଛି ଶିଳ୍ପ ଶ୍ରମିକଙ୍କ ଜୀବନଯାପନ ଖର୍ଚ୍ଚ ବୃଦ୍ଧି ପାଇଛି ଏବଂ ମହଙ୍ଗା ଭତ୍ତା ବୃଦ୍ଧି କରି ଏହାକୁ ସନ୍ତୁଳିତ କରିବାକୁ ଚେଷ୍ଟା କରାଯାଉଛି। ଜାନୁଆରୀ ଏବଂ ଜୁଲାଇରେ ବର୍ଷକୁ ଦୁଇଥର ମହଙ୍ଗା ଭତ୍ତା ସଂଶୋଧନ କରାଯାଏ, ଯାହା ଗତ ବାର ମାସର ହାରାହାରି AICPI-IW ତଥ୍ୟ ଉପରେ ଆଧାରିତ।
DA ବୃଦ୍ଧି ସରକାରୀ କର୍ମଚାରୀଙ୍କ ମୂଳ ଦରମା ଉପରେ ସିଧାସଳଖ ପ୍ରଭାବ ପକାଏ। ଏହା PF ଏବଂ ଗ୍ରାଚ୍ୟୁଇଟି ମଧ୍ୟ ବୃଦ୍ଧି କରେ।
