କାଠମାଣ୍ଡୁ,୧୮।୮: ନେପାଳର ସେଣ୍ଟ୍ରାଲ ଇନଭେଷ୍ଟିଗେସନ ଏଜେନ୍ସି ସେଣ୍ଟ୍ରାଲ ଇନଭେଷ୍ଟିଗେସନ ବ୍ୟୁରୋ (ସିଆଇବି) ଶୁକ୍ରବାର ସୁନା ଚୋରା ଚାଲାଣ ମାମଲାରେ ଦୁଇ ଚାଇନା ନାଗରିକଙ୍କୁ ଗିରଫ କରିଛି। ଏପର୍ଯ୍ୟନ୍ତ ସୁନା ଚୋରା ଚାଲାଣ ମାମଲାରେ ସମୁଦାୟ୨୩ ଜଣଙ୍କୁ ଗିରଫ କରାଯାଇଛି। ଗିରଫ ବ୍ୟକ୍ତିମାନେ ୬୦ କିଲୋଗ୍ରାମ ସୁନା ଚୋରା କାରବାରରେ ସମ୍ପୃକ୍ତ ଥିବା ଅଭିଯୋଗ ହୋଇଛି। ଗିରଫ ଚାଇନା ନାଗରିକଙ୍କ ପରିଚୟ ଏପର୍ଯ୍ୟନ୍ତ ଜଣାପଡିନାହିଁ।
ସିଆଇବି ମୁଖପାତ୍ର କୁବେର କଦାୟତ କହିଛନ୍ତି ଯେ ସୁନା ଚୋରା ଚାଲାଣ ତଥା ସଂଗଠିତ ଅପରାଧ ବିଭାଗ ଅଧୀନରେ ଉଭୟ ଚାଇନା ନାଗରିକଙ୍କ ବିରୋଧରେ ମାମଲା ରୁଜୁ ହେବ। ସିବିଆଇ ପୂର୍ବରୁ ନେପାଳର ଆୟକର ବିଭାଗ (ଡିଆରଆଇ) ଏହି ମାମଲାର ୧୯ଦିନ ଯାଏ ମାମଲାର ଯାଞ୍ଚ କରିଥିଲେ ଏବଂ ପରେ ଯାଞ୍ଚର ଦାୟିତ୍ୱ ସିଆଇବିକୁ ହସ୍ତାନ୍ତର କରାଯାଇଥିଲା। ସୂଚନାଯୋଗ୍ୟ, ଜୁଲାଇ ୧୮ରେ, ଡିଆରଆଇ କାଠମାଣ୍ଡୁର ସିନାମାଙ୍ଗଲ ଅଞ୍ଚଳରୁ ଚୋରା ସୁନା ଜବତ କରିଥିଲା। ଅନୁସନ୍ଧାନରୁ ଜଣାପଡିଛି ଯେ କାଠମାଣ୍ଡୁର ତ୍ରିଭୁବନ ଅନ୍ତର୍ଜାତୀୟ ବିମାନବନ୍ଦରରେ ଏହି ସୁନା କଷ୍ଟମ ଯାଞ୍ଚରୁ ରକ୍ଷା ପାଇଯାଇଥିଲା।
