ନୂଆଦିଲ୍ଲୀ,୨୦।୭: ଭାରତର ଉପରାଷ୍ଟ୍ରପତି ଏକ ଐତିହାସିକ ଘୋଷଣା କରିଛନ୍ତି। ଉପରାଷ୍ଟ୍ରପତି ୫୦ ପ୍ରତିଶତ ମହିଳା ସଦସ୍ୟଙ୍କୁ ରାଜ୍ୟ ସଭାରେ ଉପସଭାପତିଙ୍କ ପ୍ୟାନେଲରେ ମନୋନୀତ କରିଛନ୍ତି। ମୌସୁମୀ ଅଧିବେଶନ ପୂର୍ବରୁ ପୁନଃ ନିର୍ମାଣ ହୋଇଥିବା ପ୍ୟାନେଲରେ ସମୁଦାୟ ଆଠଟି ନାମ ଅଛି, ସେଥିମଧ୍ୟରୁ ଅଧା ମହିଳା। ରାଜ୍ୟ ସଭା ଇତିହାସରେ ଏହା ପ୍ରଥମ ଥର ପାଇଁ ଉପସଭାପତିଙ୍କ ପ୍ୟାନେଲରେ ମହିଳା ସଦସ୍ୟଙ୍କୁ ସମାନ ପ୍ରତିନିଧିତ୍ୱ ଦିଆଯାଇଛି। ଏହି ନିଷ୍ପତ୍ତି ସହିତ ରାଜ୍ୟ ସଭାରେ ପ୍ରଥମ ଥର ପାଇଁ ଲିଙ୍ଗଗତ ସମାନତା ହେବ।
ଉପରାଷ୍ଟ୍ରପତିଙ୍କ ପ୍ୟାନେଲରେ ରାଜ୍ୟ ସଭା ଅଧ୍ୟକ୍ଷ ଜଗଦୀପ ଧନଖର ଗୁରୁବାର ୪ ଜଣ ମହିଳା ସାଂସଦଙ୍କ ନାମ ଘୋଷଣା କରିଛନ୍ତି। ଯେଉଁଥିରେ ନାଗାଲାଣ୍ଡରୁ ରାଜ୍ୟ ସଭା ସଦସ୍ୟ ଭାବରେ ନିର୍ବାଚିତ ହୋଇଥିବା ପ୍ରଥମ ମହିଳା ଏସ୍.ଫଙ୍ଗାନୋନ କୋନୟାକ, ପଦ୍ମଶ୍ରୀ ପୁରସ୍କାର ବିଜେତା ତଥା ପ୍ରଖ୍ୟାତ ଆଥଲେଟ୍ସ ପି.ଟି ଉଷା, ଫାଜିଆ ଖାନ ଏବଂ ସୁଲାତା ଦେବ।
