ମୁମ୍ବାଇ: ଆକ୍ସନ ଷ୍ଟାର ଟାଇଗର ଶ୍ରଫ ତାଙ୍କ ଅଗାମୀ ମୁଭି ‘ଗଣପତ’ ପାଇଁ ୟୁକେରେ ଶୁଟିଂ ଆରମ୍ଭ କରିଛନ୍ତି । ଟାଇଗର ନିଜେ ଇନଷ୍ଟାଗ୍ରାମରେ ଏକ ଭଡିଓ ପୋଷ୍ଟ କରି ଏହି ସୂଚନା ଦେଇଛନ୍ତି । ଲାଗୁଛି ଏହି କ୍ଲିପଟି ଆଗାମୀ ଫିଲ୍ମରୁ ନିଆଯାଇଛି । ଯେଉଁଥିରେ ଅଭିନେତା କିଛି ହାଇ ଅକ୍ଟେନ ଆକ୍ସନ ଷ୍ଟଣ୍ଟ କରୁଥିବା ଦେଖାଯାଇଛି । ଭିଡିଓ ଶେୟାର କରି ଟାଇଗର ଲେଖିଛନ୍ତି ଭଗବାନ ଓ ଜନତା ଏଇ ଦୁହିଁଙ୍କ ଆଶୀର୍ବାଦ ନେଇ ଆରମ୍ଭ କରିବାକୁ ଯାଉଛି ହାସଟ୍ୟାଗ ଗଣପତ କା ୟୁକେ ସିଡ୍ୟୁଲ । କ୍ରିସମାସ ରିଲିଜ ଭାବେ ଫିଲ୍ମକୁ ଲକ୍ କରାଯାଇଥିବା ବେଳେ ଏହା ୨୩ ଡିସେମ୍ବର ୨୦୨୨ରେ ରିଲିଜ୍ କରାଯିବ । ଏଥିରେ କ୍ରିତି ସାନନଙ୍କୁ ବି ଦେଖିବାକୁ ମିଳିବ । ଏହାର ନିର୍ଦ୍ଦେଶକ ବାସୁ ଭଗନାନୀ ଥିବା ବେଳେ ନିର୍ମାତା ରହିଛନ୍ତି ବିକାଶ ବେହେଲ, ଦୀପଶିଖା ଦେଶମୁଖ, ଜ୍ୟାକି ଭଗନନୀ । ବାସୁ ଭଗନାନୀ ଓ ପୂଜା ଏଣ୍ଟରଟେନମେଣ୍ଟ ଗୁଡ କମ୍ପାନୀ ସହ ମିଶି ‘ଗଣପତ’ ନିର୍ମାଣ କରୁଛନ୍ତି ।
