ଜୀବନ୍ତ ପୃଥିବୀରେ ଜୀବନସତ୍ତାକୁ ସୁରକ୍ଷିତ ରଖିବାରେ ମାଟି ବା ମୃତ୍ତିକାର ଗୁରୁତ୍ୱପୂର୍ଣ୍ଣ ଯୋଗଦାନ ରହିଛି। ମାଟିରୁ ହିଁ ସୃଜନର ଓଁକାର ସମ୍ଭବ ହୋଇପାରିଥାଏ। ତେବେ ମୃତ୍ତିକା ସଂରକ୍ଷଣ ଏବଂ ଏହାକୁ ପ୍ରଦୂଷଣ ମୁକ୍ତ କରିବା ସାମ୍ପ୍ରତିକ ଶିଳ୍ପାୟନ ପୃଥିବୀରେ ଅପରିହାର୍ଯ୍ୟ ହୋଇ ପଡ଼ିଛି। ମାଟି ରହିଲେ ହିଁ ଇକୋସିଷ୍ଟମ୍ରେ ସମନ୍ବୟ ସମ୍ଭବ ହୋଇପାରିଥାଏ। ତେଣୁ ମୃତ୍ତିକା ସମ୍ପର୍କରେ ସଚେତନତା ସୃଷ୍ଟି ପାଇଁ ପ୍ରତିବର୍ଷ ଡିସେମ୍ବର ୫ରେ ବିଶ୍ୱ ମୃତ୍ତିକା ଦିବସ ପାଳନ କରାଯାଇଥାଏ।
ମୃତ୍ତିକା ସମ୍ପଦର ସୁପରିଚାଳନା ଲାଗି ୨୦୦୨ରେ ଆନ୍ତର୍ଜାତୀୟ ମୃତ୍ତିକା ବିଜ୍ଞାନ (ଆଇୟୁଏସ୍ଏସ୍) ଦ୍ୱାରା ଏକ ଆନ୍ତର୍ଜାତୀୟ ଦିବସ ପାଳନ ଲାଗି ପ୍ରସ୍ତାବ ଆଗତ କରାଯାଇଥିଲା। ଥାଇଲାଣ୍ଡର ନେତୃତ୍ୱରେ ଏବଂ ଗ୍ଲୋବାଲ ମୃତ୍ତିକା ସଂଗଠନ ସହଯୋଗରେ, ଏକ ସଚେତନତା ବୃଦ୍ଧି ପ୍ଲାଟଫର୍ମ ଗଠନ କରାଯାଇଥିଲା। ସର୍ବସମ୍ମତି କ୍ରମେ ଜୁନ ୨୦୧୩ରେ ବିଶ୍ୱ ମୃତ୍ତିକା ଦିବସ ପାଳନ ପାଇଁ ସ୍ବୀକୃତି ପ୍ରଦାନ କରାଯାଇଥିଲା। ଜାତିସଂଘର ୬୮ତମ ସାଧାରଣ ସଭାରେ ଏହାକୁ ଡିସେମ୍ବର୨୦୧୩ରେ ଅନୁମୋଦନ କରାଯାଇଥିଲା। ଏହାପରୋ ୫ ଡିସେମ୍ବର ୨୦୧୪ରେ ପ୍ରଥମ ବିଶ୍ୱ ମୃତ୍ତିକା ଦିବସ ପାଳନ କରାଯାଇଥିଲା।
ମୃତ୍ତିକା ପ୍ରଦୂଷଣକୁ ରୋକିବା ପାଇଁ ସିଙ୍ଗଲ ୟୁଜ୍ ପ୍ଲାଷ୍ଟିକ ବ୍ୟବହାରରୁ ଦୂରେଇ ରହିବା, ଇକୋ-ଫ୍ରେଣ୍ଡଲି ଉିତ୍ପାଦ ବ୍ୟବହାର କରିବା ଏବଂ କ୍ଷତିକାରକ ବର୍ଜ୍ୟ ପଦାର୍ଥ ମାଟିରେ ନ ପକାଇବା ସମ୍ପର୍କରେ ଏହି ଦିବସ ପାଳନ ଅବସରରେ ସଚେତନତା ସୃଷ୍ଟି କରାଯାଇଥାଏ।
