ନୂଆଦିଲ୍ଲୀ,୧୭।୯: କେନ୍ଦ୍ର ସରକାର ଘରୋଇ ବଜାରର ଖେଳନା ମାନୁଫାକଚର୍ସଙ୍କୁ ବୁଧବାର ଆଶ୍ୱସ୍ତି ଦେବା ଭଳି ପଦକ୍ଷେପ ନେଇଛନ୍ତି। ଖେଳନା ଲାଗି ବାଧ୍ୟତାମୂଳକ ବିଆଇଏସ୍ ପ୍ରମାଣନ କାର୍ଯ୍ୟକାରୀ ହେବା ସମୟକୁ ବଢ଼ାଇଛନ୍ତି। ୨୦୨୧ରୁ ଏହି ନୂଆ ନିୟମ କାର୍ଯ୍ୟକାରୀ ହେବ। ଏହା ମଧ୍ୟରେ ପୁରୁଣା ଷ୍ଟକ୍କୁ ବିକ୍ରି କରିବାକୁ ସୁବିଧା ହେବ ବୋଲି ଜଣାପଡିଛି। ପୂର୍ବରୁ ସେପ୍ଟେମ୍ବର ପହିଲାରୁ ଏହି ନୂଆ ନିୟମ ଲାଗୁ ହେବ ବୋଲି କୁହାଯାଇଥିଲା। ଏହା ହୋଇଥିଲେ ଉଭୟ ମାନୁଫାକଚର ଏବଂ ଟ୍ରେଡର ସମସ୍ୟା ସାମ୍ନା କରିଥାନ୍ତେ। ସମୟ ଅବଧି ବଢିବାରୁ ଏହା ମଧ୍ୟରେ ବଳକା ଷ୍ଟକ୍କୁ ବିକ୍ରି କରିବା ସୁବିଧା ହେବ ବୋଲି ଶିଳ୍ପ ପକ୍ଷରୁ କୁହାଯାଇଛି।
