ନୂଆଦିଲ୍ଲୀ,୨୪ା୨: ଭାରତର କ୍ରିକେଟ କିମ୍ବଦନ୍ତୀ ସଚିନ ତେନ୍ଦୁଲକରଙ୍କୁ ବହୁ ବାର ଭୁଲ୍ ନିଷ୍ପତ୍ତି ଦେଇ ଆଉଟ୍ କରିଥିବା ପୂର୍ବତନ ଅମ୍ପାୟର ଷ୍ଟିଭ ବକ୍ନର ଦୀର୍ଘ ୨୨ ବର୍ଷ ପରେ ନିଜ ଭୁଲ୍ ସ୍ବୀକାର କରିବା ସହ ଦୁଃଖ ପ୍ରକାଶ କରିଛନ୍ତି। ଏଥିସହିତ ତାହା ଏକ ଭୁଲ୍ ଥିଲା ବୋଲି କହିଛନ୍ତି।
୨୦୦୯ରେ ଅବସର ନେଇଥିବା ବକ୍ନର ବିଶ୍ୱ କ୍ରିକେଟରେ ଦୁଇ ଦଶନ୍ଧି ଧରି ଅମ୍ପାୟର ଦାୟିତ୍ୱ ତୁଲାଇଥିଲେ। କିନ୍ତୁ ବହୁବାର ତାଙ୍କ ଭୁଲ୍ ନିଷ୍ପତ୍ତି ଯୋଗୁ ତେନ୍ଦୁଲକର ଆଉଟ୍ ହୋଇଥିଲେ। ସବୁଠୁ ଚର୍ଚ୍ଚିତ ଘଟଣା ଥିଲା, ୨୨ ବର୍ଷ ପୂର୍ବେ ବ୍ରିସବେନର ଗାବାରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଟେଷ୍ଟ ମ୍ୟାଚ୍ରେ ସଚିନଙ୍କୁ ତ୍ରୁଟିପୂର୍ଣ୍ଣ ଭାବେ ବକ୍ନର ଏଲ୍ବିଡବ୍ଲ୍ୟୁ ଆଉଟ୍ ଦେଇଥିଲେ।
