ପାଟଣା, ୨୪।୮(ସ୍ବ.ପ୍ର.): କେନ୍ଦୁଝର ଜିଲା ପାଟଣା ରେଞ୍ଜ କାଠ ସାହାରପଡ଼ା ସେକ୍ଶନ ଦୁବେଇ ପେଣ୍ଠ ନିକଟରେ ବୁଧବାର ସକାଳୁ ବନ ବିଭାଗ ଚୋରା କାଠଭର୍ତ୍ତି ଏକ ପିକ୍ଅପ୍ ଭ୍ୟାନ୍ ଜବତ କରିଛି । ଏହି ସମୟରେ କାଠମାଫିଆଙ୍କ ଆକ୍ରମଣରେ ବନ କର୍ମଚାରୀ ଗୁରୁତର ହୋଇଛନ୍ତି। ଘଟଣାସ୍ଥଳରେ ବନ କର୍ମଚାରୀ ଓ କାଠମାଫିଆ ମୁହାଁମୁହିଁ ହୋଇଛନ୍ତି। ମାଫିଆଙ୍କ ଆକ୍ରମଣ ଏବଂ ଟେକା ପଥର ମାଡ଼ରେ ଫରେଷ୍ଟର ଚିତ୍ତରଞ୍ଜନ ପରିଡା ଏବଂ ୨ ପାରା ଷ୍ଟାଫ ଆହତ ହୋଇଥିବା ରେଞ୍ଜର ଘାସିନାଥ ପାତ୍ର ସୂଚନା ଦେଇଛନ୍ତି। ଘଟଣାସ୍ଥଳରୁ ମାଫିଆ ଫେରାର ହୋଇଯାଇଛନ୍ତି। କାଠଭର୍ତ୍ତି ପିକ୍ଅପ୍କୁ ବନ ବିଭାଗ ଜବତ କରିଛି। ଜବତ କାଠଗୁଡିକର ଆନୁମାନିକ ମୂଲ୍ୟ ୧ଲକ୍ଷ ଟଙ୍କାରୁ ଊଦ୍ଧର୍ବ ହେବ ବୋଲି ପାଟଣା ରେଞ୍ଜର ଘାସିନାଥ ପାତ୍ର ସୂଚନା ଦେଇଛନ୍ତି।
