ପାଟଣା,୧୯ା୧୨(ସ୍ବ.ପ୍ର.): କେନ୍ଦୁଝର ଜିଲା ପାଟଣା ରେଞ୍ଜ ଧନୁର୍ଜୟପୁର ଗ୍ରାମ ରିଜର୍ଭ ଫରେଷ୍ଟରେ ଜଙ୍ଗଲ ଜମିର ସୀମା ବିବାଦକୁ ନେଇ ଶନିବାର ଉତ୍ତେଜନା ସୃଷ୍ଟି ହୋଇଛି। ଦୀର୍ଘଦିନର ବିବାଦର ସମାଧାନ ନ ହେବାରୁ ଗ୍ରାମବାସୀ ସଂରକ୍ଷିତ ଜଙ୍ଗଲ ମଧ୍ୟରେରେ କୁକୁଡ଼ା ଲଢେଇ କରିବା ପାଇଁ ବ୍ୟାରିକେଡ୍ କରିଥିଲେ। କୌଣସି ସୂତ୍ରରୁ ଖବର ପାଇ ବନ ବିଭାଗ କର୍ମଚାରୀ ପାଇଁ ଉକ୍ତ ସ୍ଥାନରେ ଚଢ଼ାଉ କରି କୁକୁଡ଼ା ଲଢ଼େଇ ପାଇଁ କରାଯାଇଥିବା ବ୍ୟାରିକେଡକୁ ଭାଙ୍ଗିବା ପରେ ଦୀର୍ଘଦିନର ପୁଞ୍ଜିଭୂତ ଅସନ୍ତୋଷ ଏବେ ଉଗ୍ର ହୋଇଛି। ବନ ବିଭାଗର ରେଞ୍ଜର ପବିତ୍ର ମୋହନ ନାଏକଙ୍କ ସହ ୧୬ ଜଣ କର୍ମଚାରୀଙ୍କୁ ଗ୍ରାମବାସୀ ଅଟକ ରଖିଛନ୍ତି। ଘଟଣାସ୍ଥଳରେ ପାଟଣା ପୋଲିସ ପକ୍ଷରୁ ଥାନାଧିକାରୀ ସୋମନାଥ ଜେନା ସଦଳବଳ ପହଞ୍ଚି ଲୋକଙ୍କୁ ଜଙ୍ଗଲଜମି ଚିହ୍ନଟ ହେବାର ପ୍ରତିଶ୍ରୁତି ଦେବା ପରେ ବନ କର୍ମଚାରୀଙ୍କୁ ଉଦ୍ଧାର କରାଯାଇଛି।
