ଯେକୌଣସି ସିଜନ୍ରେ ବି ଫ୍ଲୋରାଲ୍ ଆଉଟ୍ଫିଟ୍ ଏଭରଗ୍ରୀନ ଲୁକ୍ ଦେଇଥାଏ। ପ୍ରତିଟି ଇଭେଣ୍ଟରେ ଏହାକୁ କ୍ୟାରି କରିବା ସହଜ । ଏଥିପାଇଁ ତ ଫ୍ଲୋରାଲ୍ ଆଉଟ୍ଫିଟ୍ର ଚାହିଦା ଏବେ ବଢ଼ିବାରେ ଲାଗିଛି…
ବଜାରରେ ଏବେ ଫ୍ଲୋରାଲ ବ୍ଲାଉଜ୍ର ଚାହିଦା ଅଧିକ। ଏହାକୁ ଆପଣ ଯେକୌଣସି ସିମ୍ପଲ ଶାଢ଼ି କିମ୍ବା ପ୍ଲେନ ଶାଢ଼ିରେ ପିନ୍ଧିପାରିବେ। ଫ୍ଲୋରାଲର ସିଲ୍କ ଶାଢ଼ିକୁ ପାର୍ଟି ଫଙ୍କ୍ଶନରେ ବି ପିନ୍ଧିପାରିବେ।
ସିଲ୍କର ଫ୍ଲୋରାଲ ଟପ୍ ସାଙ୍ଗରେ ଆପଣ ସ୍କର୍ଟ କିମ୍ବା ଫ୍ଲାଟର୍ ପ୍ୟାଣ୍ଟ ପିନ୍ଧିପାରିବେ। କଟନ୍ କିମ୍ବା ଲାଇଲନ୍ ଫ୍ଲୋରାଲ୍ ଟପ୍ରେ ଜିନ୍ସ, ଡେନିମ୍ ପ୍ୟାଣ୍ଟ ପିନ୍ଧନ୍ତୁ। ଏହା ଆପଣଙ୍କୁ କ୍ଲାସି ଲୁକ୍ ଦେବା ସହ ଅଫିସକୁ ମଧ୍ୟ କ୍ୟାରି କରିପାରିବେ।
ସିଫନ୍ର ବ୍ଲାଉଜ ଓ ଟପ୍ ପିନ୍ଧିବାକୁ ଭଲଲାଗେ। ତେବେ ଫ୍ଲୋରାଲ ଟପ୍ ସହ ଆପଣ ଜିନ୍ସ ମଧ୍ୟ ପିନ୍ଧିପାରିବେ। ନାଇଟ୍ ଆଉଟ୍ ପାର୍ଟି କିମ୍ବା ଡେଟ୍ରେ ଯାଉଥିଲେ ଏହି ଟପ୍ ଆପଣଙ୍କୁ ଗରଜିୟସ ଲୁକ୍ ଦେବ।
ଏଥିନିକ୍ ଲୁକ୍ ପାଇବା ପାଇଁ ଆପଣ ଫ୍ଲୋରାଲ୍ କୁର୍ତ୍ତି ଓ ଅନାରକଲି ସୁଟ୍ ପିନ୍ଧିପାରିବେ। ବଜାରରେ ଫ୍ଲୋରାଲ ଲେହେଙ୍ଗା ଏବଂ ଡିଜାଇନ ଫ୍ଲୋରାଲ ସ୍କର୍ଟକୁ ଆପଣ ମ୍ୟାଚିଂ କରି ପିନ୍ଧିପାରିବେ। ଫ୍ଲୋରାଲ କ୍ରପ୍ ଟପରେ ଆପଣ ମ୍ୟାଚ କରି ପିନ୍ଧିପାରିବେ। ବିବାହ କିମ୍ବା ମେହେନ୍ଦି ଆଦି ବିଭିନ୍ନ ଉତ୍ସବ ସମୟରେ ଏହା ଟ୍ରାଡିଶନାଲ ଲୁକ୍ ଦେବ।
ଶୀତଦିନରେ ଛୁଟି କଟେଇବାକୁ ଯାଉଥିଲେ ବ୍ଲୁ ଫ୍ଲୋରାଲ ଟପ୍ କିମ୍ବା ଗାଉନ୍ ପିନ୍ଧିପାରିବେ। ଫ୍ଲୋରାଲ ଟପ୍ ସହ ଆପଣ ହ୍ବାଇଟ୍ ଡେନିମ୍ ସର୍ଟସ କିମ୍ବା ଜିନ୍ସ ପିନ୍ଧନ୍ତୁ ଭଲ ଲାଗିବ।
ଫ୍ଲୋରାଲ୍ର ବ୍ଲେଜର ମଧ୍ୟ ନିଜ ଆଉଟଫିଟ୍ରେ ସାମିଲ କରିପାରିବେ। ଏହା ଆପଣଙ୍କୁ ଷ୍ଟାଇଲିସ ଲୁକ ଦେବ। ବ୍ଲେଜର ସହ ଯେକୌଣସି ଟ୍ୟାଙ୍କ ଟପ୍, ଜିନ୍ସ, ଲେଦରର ଟ୍ରାଉଜର ଟିମଅପ୍ କରିପାରିବେ। ବ୍ଲାକ ଜୋତା କିମ୍ବା ହିଲ୍ସ ପିନ୍ଧିଲେ ଷ୍ଟାଇଲିସ୍ ଦେଖାଯିବେ।
