ଗଞ୍ଜାମ,୧୫।୮(ଡି.ଏନ୍.ଏ.): ଗତ କିଛିଦିନ ଧରି ଲଘୁଚାପ ଜନିତ ଲଗାଣ ବର୍ଷାରେ ରାଜ୍ୟର ବିଭିନ୍ନ ଜିଲାରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଏଥିପାଇଁ ସରକାର ଏବଂ ଜିଲା ପ୍ରଶାସନ ନଈକୂଳିଆ ଲୋକଙ୍କୁ ସ୍ଥାନାନ୍ତର କରିଥିବା ବେଳେ ବନ୍ୟା ପ୍ରଭାବିତ ହେବାକୁ ଥିବା ଅଞ୍ଚଳ ଗୁଡିକ ପ୍ରତି ସତର୍କତା ଅବଲମ୍ବନ କରୁଛନ୍ତି। ଏହି କ୍ରମରେ କେନ୍ଦ୍ରାପଡ଼ା ଜିଲାରେ ବନ୍ୟା ପରିସ୍ଥିତି ଗମ୍ଭୀର ଥିବା ହେତୁ ଛତ୍ରପୁର ଅଷ୍ଟମ ବାଟାଲିୟନର ୨୭ ଜଣିଆ ଓଡ୍ରାଫ ଟିମ୍ ସୋମବାର କେନ୍ଦ୍ରାପଡ଼ା ଗ୍ରସ୍ତ କରିଥିବା ଜଣାପଡିଛି। ଓଡ୍ରାଫ ଇନଚାର୍ଜ ବି.ଏନ୍. ମଲିକ ଓ ଏସ୍ଆଇ ପିକେ ସୁବୁଦ୍ଧିଙ୍କ ଏହାର ନେତୃତ୍ୱ ନେଇଛନ୍ତି l ଓଡ୍ରାଫ ଟିମ ଗ୍ରସ୍ତ ବେଳେ ବାଟାଲିୟନ ଦୁର୍ଗପତି ସୂର୍ଯ୍ୟ ନାରାୟଣ ମଲିକ, ଡେପୁଟି କମାଣ୍ଡଣ୍ଟେନ୍ଟ ପ୍ରଫୁଲ୍ଲ କୁମାର ସିଂ, ସିପାହୀ ହାବିଲଦାର ସଙ୍ଘ ସଭାପତି ଅଜିତ କୁମାର ରଥ ପ୍ରମୁଖ ଉପସ୍ଥିତ ଥିଲେ l ପ୍ରଥମେ ନିଜେ ସୁରକ୍ଷିତ ରହି କାମ କରିବାକୁ ସେମାନଙ୍କୁ କମାଣ୍ଡଣ୍ଟେଟ ମଲିକ ପରାମର୍ଶ ଦେଇଛନ୍ତି l
