ଭୁବନେଶ୍ୱର, (ବ୍ୟୁରୋ)/ ରାଉରକେଲା ଅଫିସ, ୧୬।୨: ବେସାମରିକ ବିମାନ ଚଳାଚଳ ସୁରକ୍ଷା ମହାନିର୍ଦ୍ଦେଶିକା ଉଷା ପାଢ଼ୀ ସୋମବାର ରାଉରକେଲା ଏୟାରଷ୍ଟ୍ରିପ ପରିଦର୍ଶନ କରିଛନ୍ତି। ଏଥିସହ ରାଉରକେଲା ଷ୍ଟିଲ୍ ପ୍ଲାଣ୍ଟ ସିଇଓ ଦୀପକ ଚଟ୍ଟରାଜ ଓ ଜିଲା ପ୍ରଶାସନର ବରିଷ୍ଠ ଅଧିକାରୀଙ୍କ ସହ ଗୁରୁତ୍ୱପୂର୍ଣ୍ଣ ବୈଠକ କରିଛନ୍ତି। ରାଉରକେଲାରୁ ଖୁବ୍ଶୀଘ୍ର ବାଣିଜି୍ୟକ ଭିତ୍ତିରେ ବିମାନ ଚଳାଚଳ ହେବ ବୋଲି ବୈଠକରୁ ସୂଚନା ମିଳିଛି।
କେନ୍ଦ୍ର ସରକାରଙ୍କ ଉଡାନ-୪ ଯୋଜନାରେ ସାମିଲ ହେବା ସତ୍ତ୍ୱେ କେତେକ ବୈଷୟିକ ସମସ୍ୟା ଯୋଗୁ ରାଉରକେଲାରୁ ଏପର୍ଯ୍ୟନ୍ତ ବିମାନ ଉଡ଼ିବା ସମ୍ଭବ ହୋଇପାରି ନାହିଁ। ଅତୀତରେ ବାଣିଜ୍ୟ ଓ ପରିବହନ ବିଭାଗର ପ୍ରମୁଖ ଶାସନ ସଚିବ ମଧୁସୂଦନ ପାଢ଼ୀଙ୍କ ନେତୃତ୍ୱରେ ଉଚ୍ଚ କ୍ଷମତାସମ୍ପନ୍ନ ଟିମ୍ ଦୁଇ ଥର ବିମାନବନ୍ଦରର ଭିତ୍ତିଭୂମି ପରିଦର୍ଶନ କରିସାରିଛନ୍ତି। ୨ବି ଲାଇସେନ୍ସପ୍ରାପ୍ତ ଏହି ବିମାନ ବନ୍ଦରରୁ ୯ସିଟ୍ ବିଶିଷ୍ଟ ବିମାନ ଉଡ଼ିବା ପାଇଁ ଅନୁମତି ରହିଥିଲା। ତେବେ ଉଡାନ ଯୋଜନାରେ ସାମିଲ ହେବା ପରେ ଏଠାରୁ ୭୨ ସିଟ୍ ବିଶିଷ୍ଟ ବିମାନ ଉଡ଼ିବ। ସେଥିପାଇଁ ରନ୍ୱେ ସମ୍ପ୍ରସାରଣଠାରୁ ଆରମ୍ଭ କରି ଅନ୍ୟାନ୍ୟ ଆନୁଷଙ୍ଗିକ ଭିତ୍ତିଭୂମି ବ୍ୟବସ୍ଥା ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚତ୍ଥିବାବେଳେ ବେସାମରିକ ବିମାନ ଚଳାଚଳ ସୁରକ୍ଷା ମହାନିର୍ଦ୍ଦେଶିକା ଏହାର ସମୀକ୍ଷା କରିଥିଲେ।
