କେନ୍ଦୁଝର,୧୨।୯(ନରେଶ ଚନ୍ଦ୍ର ପଟ୍ଟନାୟକ) କେନ୍ଦୁଝର ଜିଲା କାଞ୍ଜିପାଣି ଥାନା ଅନ୍ତର୍ଗତ ୪୯ନଂ ଜାତୀୟ ରାଜପଥ କାଞ୍ଜିପାଣି ଘାଟିରେ ଏକ ଆଇରନ ବୋଝେଇ ଟ୍ରକରେ ନିଆଁ ଲାଗି ଯାଇଛି। ନିଆଁ ଲାଗିବା ଫଳରେ ଟ୍ରକ ଚାଳକ ସେଠାରୁ ଡେଇଁ ଜୀବନ ବଞ୍ଚାଇଥିଲେ। ମଙ୍ଗଳବାର ଅପରାହ୍ନ ସମୟରେ କେନ୍ଦୁଝର ଶୁଆକାଟି(ଗନ୍ଧମାର୍ଦନ)ଠାରୁ ଉକ୍ତ ୧୨ଚକିଆ ଟ୍ରକ ଆଇରନ ବୋଝେଇ କରି ଝାରସୁଗୁଡା ଅଭିମୁଖେ ଯାଉଥିବା ବେଳେ କାଞ୍ଜିପାଣି ଘାଟିରେ ବାହାରାଦେବତାର ଅନତି ଦୂରରେ ସର୍ଟ ସର୍କିଟ ଯୋଗୁଁ ଟ୍ରକରେ ନିଆଁ ଲାଗି ଯାଇଥିବା ସନ୍ଦେହ କରାଯାଉଛି। ତେବେ ରାସ୍ତା ମଝିରେ ହଠାତ ନିଆଁ ଲାଗି ଯାଇଥିବା ଯୋଗୁଁ ଘଟଣା ସ୍ଥଳରୁ ଗାଡିରୁ ଡ୍ରାଇଭର ଓହ୍ଲାଇ ପଡ଼ିଥିଲେ। ଦେଖୁ ଦେଖୁ ଟ୍ରକଟି ସମ୍ପୂର୍ଣ୍ଣ ଭାବେ ଜାଳି ଯାଇଥିଲା। ଖବର ପାଇ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ସୂଚନାଯୋଗ୍ୟ, ଏହି ଘାଟି ଅଞ୍ଚଳରେ କିଛି ମାସ ତଳେ ଥାନା ନିକଟରେ ଏକ ଟ୍ରକରେ ହଠାତ୍ ନିଆଁ ଲାଗି ଜଳିଯାଇଥିଲ।
