କେସିଙ୍ଗା ,୫।୧୨( ତୁମେଶ୍ୱର୍ ସାହୁ ) : କଳାହାଣ୍ଡି ଜିଲା ପାଷ୍ଟିକୁଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିନସ୍ଥ ତହଶିର ଗ୍ରାମସ୍ଥିତ ଆୟୁଷ୍ମାନ ଆରୋଗ୍ୟ କେନ୍ଦ୍ରରେ କୌଣସି କାରଣ ବଶତଃ ନିଆଁଲାଗି ଲକ୍ଷାଧିକ ଟଙ୍କାର ଅଫିସିଆଲିି ଜିନିଷ ନଷ୍ଟ ହୋଇଥିବା ଜଣାପଡ଼ିଛି ।
ସୂଚନା ଅନୁଯାୟୀ, କଳାହାଣ୍ଡି ଜିଲା କେସିଙ୍ଗା ବ୍ଲକ ଅନ୍ତର୍ଗତ କନ୍ତେସିର ଗ୍ରାମ ପଞ୍ଚାୟତର ତହଶିର ଗାଁରେ ଥିବା ଆୟୁଷ୍ମାନ ଆରୋଗ୍ୟ କେନ୍ଦ୍ରରେ ଅପରାହ୍ନ ସାଢ଼େ ତିନିଟା ସମୟରେ କୌଣସି କାରଣରୁ ନିଆଁ ଲାଗି ଯାଇଥିଲା ।
ସୂଚନା ମୁତାବକ ନିଆଁ ଲାଗିବାରର କିଛି ସମୟ ପୂର୍ୱରୁ ଏଠାରେ ଏକ ସରକାରୀ ମିଟିଙ୍ଗ ଚାଲିଥିଲା ।
ଏହି ଆରୋଗ୍ୟ କେନ୍ଦ୍ରରେ ଥିବା ଦୁଇଟି ଲାପଟପ , ଗୋଟିଏ ପ୍ରିଣ୍ଟର , ଦୁଇଟି ଫ୍ରିଜ, ଛଅ ଗୋଟି ଆଲମିରା ,ଦୁଇଟି ବେଡ ଓ ଅନ୍ୟାନ୍ୟ କାଗଜ ପତ୍ର ଜଳି ପୋଡି ନଷ୍ଟ ହୋଇ ଯାଇଥିବା ସୂଚନା ମିଳିଛି। ଏହି କେନ୍ଦ୍ରରେ ସଂଯୋଗ ହୋଇଥିବା ବିଦ୍ୟୁତ ସର୍କିଟରେ ସର୍ଟ ସର୍କିଟ ଯୋଗୁଁ ନିଆଁ ଲାଗି ଥିବା ଅନୁମାନ କରାଯାଉଛି।
ଗ୍ରାମବାସୀମାନେ କେସିଙ୍ଗା ଅଗ୍ନିଶମ ବିଭାଗକୁ ଫୋନ କରିଥିଲେ। ଖବର ପାଇ ଦୁଇଟି ନିଆଁଲିଭା ଗାଡ଼ି ପହଞ୍ଚି ନିଆଁକୁ ଆୟତ୍ତ କରିଥିବା ଜଣାପଡ଼ିଛି। ଏହି କେନ୍ଦ୍ରରେ କାର୍ଯ୍ୟରତ ସିଏଚଓ ଙ୍କ ଠାରୁ କିଛି ସୂଚନା ମିଳି ପାରି ନାହିଁ। ତେବେ କୁହାଯାଉଛି କେସିଙ୍ଗା ବ୍ଳକରେ ଥିବା ଆୟୁଷ୍ମାନ ଆରୋଗ୍ୟ କେନ୍ଦ୍ରଗୁଡ଼ିକରେ କର୍ମଚାରୀମାନେ ଗୋଟିଏ ଓଳି କାମ କରି ଘରୁ ପଳାଇ ଯାଉଛନ୍ତି। ସକାଳ 10ଟା ରୁ ଅପରାହ୍ନ 4 ଟା ପର୍ଯ୍ୟନ୍ତ କର୍ମଚାରୀ ମାନେ ରହିବା କଥା , କର୍ମଚାରୀଙ୍କ ଅବହେଳାରୁ ଏ ଭଳି ନିଆ ଲାଗି ନଷ୍ଟ ହୋଇଥିବା ଜଣା ପଡ଼ିଛି।
