ଥିରୁଭାନନ୍ତପୁରମ, ୧୨ା୧୨: ମୁସଲମାନ ଧର୍ମ ତ୍ୟାଗ କରି ହିନ୍ଦୁ ହେବେ କେରଳ ଫିଲ୍ମ ନିର୍ମାତା ଅଲି ଆକବର(୫୮)। ମୁସ୍ଲିମ ଧର୍ମ ଉପରୁ ତାଙ୍କର ବିଶ୍ୱାସ ତୁଟି ଯାଇଥିବା ସେ କହିଥିଲେ। ଏବେ ସ୍ତ୍ରୀ ଲୁସିୟାମାଙ୍କ ସହ ସେ ହିନ୍ଦୁ ଧର୍ମ ଗ୍ରହଣ କରିବେ ବୋଲି ଘୋଷଣା କରିଛନ୍ତି। ଅଲି ଏକ ଲାଇଭ ଭିଡିଓ ଜରିଆରେ ସିଡିଏସ୍ ଜେନେରାଲ ବିପିନ ରାଓ୍ବତ୍ଙ୍କ ମୃତ୍ୟୁରେ ଖୁସି ମନାଉଥିବା ଲୋକଙ୍କୁ ନିନ୍ଦା କରିଥିଲେ।
ହେବା ପରେ ନିଜ ନାଁ କ’ଣ ରଖିବେ ତାହା ମଧ୍ୟ ଅଲି ବାଛିଛନ୍ତି। ନିଜ ସଂସ୍କୃତି ପାଇଁ ଲଢ଼େଇ କରିବା କାରଣରୁ ରାମସିଂଙ୍କୁ ହତ୍ୟା କରାଯାଇଥିଲା। ତେଣୁ ତାଙ୍କ ନାମ ସେ ରାମସିଂ ରଖିବେ ବୋଲି ଅଲି କହିଛନ୍ତି। ଅଲି ପୂର୍ବରୁ ରାଜ୍ୟ ଭାଜପା କମିଟିର ସଦସ୍ୟ ଥିଲେ। ଦଳ ନେତୃତ୍ୱ ସହ ମତଭେଦ ହେବାରୁ ସେ ତାଙ୍କ ପଦ ଛାଡ଼ିଥିଲେ। ସେ ଭାରତୀୟ ଫିଲ୍ମ ନିର୍ଦ୍ଦେଶକ, ସ୍କ୍ରିନ ରାଇଟର ଏବଂ ଗୀତିକାର ମଧ୍ୟ। ସେ ୨୦ରୁ ଊର୍ଦ୍ଧ୍ୱ ମାଲାୟାଲମ ଫିଲ୍ମରେ ନିର୍ଦ୍ଦେଶନା ଦେଇଛନ୍ତି। ୨୦୨୦ରେ ସେ କ୍ରାଉଡ ଫଣ୍ଡିଂ ଯୋଗେ ‘୧୯୨୧:ପୁଝା ମୁଥଲ ପୁଝା ଭରେ’ ଫିଲ୍ମ ନିର୍ମାଣ ପାଇଁ ଘୋଷଣା କରିଥିଲେ। ଏହି ଚଳଚ୍ଚିତ୍ରଟି କେରଳର ୧୯୨୧ ମାଲାବାର ବିଦ୍ରୋହ ଉପରେ ଆଧାରିତ ହୋଇଥିବାବେଳେ ଏଥିପାଇଁ ତାଙ୍କୁ ହତ୍ୟା ଧମକ ମିଳିଥିଲା।
