ଦୋହା,୨୧।୧୧ : ସୋମବାର ଫିଫା ଫୁଟବଲ ବିଶ୍ୱକପରେ ତିନୋଟି ମ୍ୟାଚ ଖେଳାଯିବ। ଗ୍ରୁପ ବିରେ ଇଂଲଣ୍ଡ ଦଳ ସନ୍ଦ୍ୟା ଋଟା ୩୦ରେ ଇରାନ ବିପକ୍ଷରେ ଖେଳିବ। ଅନ୍ୟପକ୍ଷରେ ନେଦରଲାଣ୍ଡ୍ସ ଗ୍ରୁପ-ଏରେ ଆଫ୍ରିକୀୟ କପ ଚାମ୍ପିୟନ ସେନେଗାଲ ସହିତ ମୁହାଁମୁହିଁ ହେବ। ଏହି ମ୍ୟାଚ ରାତି ସାଢ଼େ ୯ଟା ରେ ଆରମ୍ଭ ହେବ। ତୃତୀୟ ତଥା ଶେଷ ମ୍ୟାଚ ରାତ୍ର ସାଢ଼େ ୧୨ରେ ଗ୍ରୁପ-ବିରେ ଆମେରିକା ଏବଂ ୱେଲ୍ସ ମଧ୍ୟରେ ଖେଳାଯିବ ।
ସୋମବାର ଫିଫା ବିଶ୍ୱକପରେ ନିଜ ଗ୍ରୁପ ବି ମ୍ୟାଚରେ ଇରାନ ସହ ମୁହାଁମୁହିଁ ହେବା ବେଳେ ଇଂଲଣ୍ଡ ଇରାନକୁ ହାଲୁକା ଭାବେ ଗ୍ରହଣ କରିବ ନାହିଁ।
ଏହି ମ୍ୟାଚ ଜିତିବା ପାଇଁ ଇଂଲଣ୍ଡ ଉଦ୍ୟମ କରିବ ବୋଲି ବିବେଚନା କରାଯାଉଛି। କୋଚ ଗାରେଥ ସାଉଥଗେଟଙ୍କ ଦଳ ଏହି ମ୍ୟାଚକୁ ଏକ ବୃହତ ବ୍ୟବଧାନରେ ଜିତିବାକୁ ଚାହିଁବ, କିନ୍ତୁ ଇରାନରେ ସେମାନଙ୍କର କୋଚ କାର୍ଲୋସ କ୍ୱିରୋଜ ଅଛନ୍ତି, ଯିଏକି ସାର୍ ଆଲେକ୍ସ ଫର୍ଗୁସନଙ୍କ ସହକାରୀ ପ୍ରଶିକ୍ଷକ ଥିଲେ। କ୍ୱିରୋଜ ତାଙ୍କ ଦଳକୁ ଏ ପର୍ଯ୍ୟନ୍ତ ନେଇଛନ୍ତି ଏବଂ ବଡ଼ ଦଳ ଭାବେ ଏକ ପଦଚିହ୍ନ ଛାଡିବାକୁ ଚାହିଁବେ।
