ମେକ୍ସିକାନ ମଡେଲ ଏବଂ ମିସ ମେକ୍ସିକୋ ଫାତିମା ବୋଶ ଥାଇଲାଣ୍ଡରେ ଅନୁଷ୍ଠିତ ମିସ ୟୁନିଭର୍ସ ୨୦୨୫ ଫାଇନାଲ୍ରେ ୧୦୦ରୁ ଅଧିକ ପ୍ରତିଯୋଗୀଙ୍କୁ ପଛରେ ପକାଇ ମିସ ୟୁନିଭର୍ସ ମୁକୁଟ ବିଜୟୀ ହୋଇଛନ୍ତି। ସମାରୋହ ସମୟରେ ଫାତିମା ଅତ୍ୟନ୍ତ ଭାବପ୍ରବଣ ହୋଇଯାଇଥିଲେ। ଏହା ଫାତିମା ଏବଂ ତାଙ୍କ ଦେଶର ଲୋକଙ୍କ ପାଇଁ ଏକ ଗର୍ବର ମୁହୂର୍ତ୍ତ ଥିଲା। ଡେନମାର୍କର ଭିକ୍ଟୋରିଆ କଜାଏର ଥେଲଭିଗ (୭୩ ତମ ମିସ ୟୁନିଭର୍ସ) ପ୍ରତିଯୋଗିତା ଫାଇନାଲ୍ରେ ଫାତିମାଙ୍କୁ ବିଜୟୀ ମୁକୁଟ ପିନ୍ଧାଇଥିଲେ।
ଫାଇନାଲ୍ରେ ମେକ୍ସିକାନ ମଡେଲଙ୍କୁ ପଚରାଯାଇଥିଲା, ୨୦୨୫ରେ ମହିଳାମାନେ କ’ଣ ଚ୍ୟାଲେଞ୍ଜ ସାମ୍ନା କରୁଛନ୍ତି ଏବଂ ସେମାନେ ମିସ ୟୁନିଭର୍ସ ଭାବରେ କିପରି ଏକ ସୁରକ୍ଷିତ ପରିବେଶ ସୃଷ୍ଟି କରିପାରିବେ?
ଉତ୍ତରରେ ସେ କହିଥିଲେ, ମୁଁ ଅନ୍ୟମାନଙ୍କ ପାଇଁ ମୋର ସ୍ବର ବ୍ୟବହାର କରିବି। ଆଜି ମଧ୍ୟ ମହିଳାମାନେ ସୁରକ୍ଷା, ସୁଯୋଗ ଏବଂ ସମ୍ମାନ ଭଳି ଅନେକ ଚ୍ୟାଲେଞ୍ଜର ସମ୍ମୁଖୀନ ହୁଅନ୍ତି। ତଥାପି, ଆଜିର ପିଢ଼ି ପୂର୍ବ ପରି ଚୁପ ବସି ନାହାନ୍ତି। ମହିଳାମାନେ ଏବେ କହିବାର ସାହସ ପାଇଛନ୍ତି। ସେମାନେ ନେତୃତ୍ୱ ପାଇଁ ଆଗକୁ ବଢ଼ୁଛନ୍ତି।
ଫାତିମାଙ୍କୁ ୧,୯୯,୫୯,୩୦୦ ଟଙ୍କା ପୁରସ୍କାର ରାଶି ମିଳିଛି। ତାଙ୍କୁ ଗୋଟିଏ ବର୍ଷ ପାଇଁ ମାସିକ ୪୪,୩୫,୪୭୭ ଟଙ୍କା ଦରମା ମଧ୍ୟ ମିଳିବ। ମିସ ୟୁନିଭର୍ସ ମଧ୍ୟ ଅନେକ ପ୍ରମୁଖ ଏବଂ ଲଗଜରୀ ବ୍ରାଣ୍ଡ ଦ୍ୱାରା ଯୋଗାଯୋଗ କରାଯାଏ। ମିସ ୟୁନିଭର୍ସ ବ୍ରାଣ୍ଡ ପ୍ରମୋସନ ଏବଂ ଏଣ୍ଡୋର୍ସମେଣ୍ଟରୁ ଲକ୍ଷ ଲକ୍ଷ ଏପରିକି କୋଟି କୋଟି ଟଙ୍କା ରୋଜଗାର କରନ୍ତି। ଏହା ବ୍ୟତୀତ, ତାଙ୍କୁ ଫିଲ୍ମ ଏବଂ ଅନେକ ଜାତୀୟ ଏବଂ ଅନ୍ତର୍ଜାତୀୟ ପ୍ରକଳ୍ପ ପାଇଁ ମଧ୍ୟ ଯୋଗାଯୋଗ କରାଯାଏ।
Dharitri – Odisha’s No.1 Odia Daily
