ଭୋପାଳ,୨୯।୨: ମଧ୍ୟପ୍ରଦେଶର ଡିଣ୍ଡୋରିରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଏଥିରେ ୧୪ ଜଣଙ୍କର ମୃତ୍ୟୁ ହୋଇଛି। ୨୧ ଜଣ ଆହତ ହୋଇଥିବା କୁହାଯାଉଛି। ଏକ ପିକଅପ ଗାଡି ନିୟନ୍ତ୍ରଣ ବାହାରକୁ ଯାଇ ବଡଝର ଘାଟରେ ଓଲଟି ପଡ଼ିଥିଲା।
ଦୁର୍ଘଟଣାର ଶିକାର ହୋଇଥିବା ବ୍ୟକ୍ତିମାନେ ଏକ ସାଦଖିଆରେରେ ଯୋଗଦେବା ପରେ ଫେରୁଥିଲେ। ଏହି ଦୁର୍ଘଟଣାରେ ଆହତମାନେ ଶାହପୁରା କମ୍ୟୁନିଟି ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଛନ୍ତି, ସେମାନଙ୍କ ମଧ୍ୟରୁ କେତେକଙ୍କ ଅବସ୍ଥା ଗୁରୁତର ଥିବା କୁହାଯାଉଛି।
ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ସମସ୍ତ ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଥିଲା। ସମସ୍ତ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି, ସମସ୍ତ ଗ୍ରାମବାସୀ ଦେଓରୀ ଗାଁର ବୋଲି କୁହାଯାଉଛି। ଏକ ଗାଡି ଦୁର୍ଘଟଣାକୁ ନେଇ ମୁଖ୍ୟମନ୍ତ୍ରୀ ମୋହନ ଯାଦବ ଗଭୀର ସମବେଦନା ଜଣାଇଛନ୍ତି। ଏହାସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଘଟଣାକୁ ନେଇ ଦୁଃଖ ପ୍ରକାଶ କରିଛନ୍ତି।
ସୂଚନା ଅନୁଯାୟୀ, ସମସ୍ତ ଯାତ୍ରୀ ପିକଅପ ଗାଡି MP-20 GB-4146 ରେ ବସିଥିଲେ। ମୃତକଙ୍କ ମଧ୍ୟରେ ୯ ଜଣ ପୁରୁଷ ଏବଂ ୫ ଜଣ ମହିଳା ଅଛନ୍ତି। ଆହତ ହୋଇଥିବା ୨୧ ଜଣଙ୍କ ମଧ୍ୟରେ ନଅ ଜଣ ପୁରୁଷ ଏବଂ ୧୨ ଜଣ ମହିଳା ଅଛନ୍ତି। ଦୁଇ ଜଣଙ୍କୁ ଜବଲପୁରକୁ ରେଫର୍ କରାଯାଇଥିଲା, ସେମାନଙ୍କ ମଧ୍ୟରୁ ଜଣେ ରାସ୍ତାରେ ମୃତ୍ୟୁବରଣ କରିଥିଲେ।
