ଭବାନୀପାଟଣା,୧୩।୮(ଉତ୍ତମ କୁମାର ଦାଶ): କଳାହାଣ୍ଡି ଜିଲା ଜୁନାଗଡ଼ ବ୍ଲକ ଅନ୍ତର୍ଗତ ବଳଦିଆମାଲ ଡିଷ୍ଟିବୁଟାରୀର ମଥୁରା ଗ୍ରାମ କେନାଲରେ ମଙ୍ଗଳବାର ବିଳମ୍ବିତ ରାତିରେ ଏକ ଘାଇ ସୃଷ୍ଟି ହୋଇଛି। ଯାହାଫଳରେ କେନାଲର ପାଣି ମାଡିଯାଇ ସ୍ଥାନୀୟ ଜମି ବାଲି ଚର ହୋଇଛି। ଦୀର୍ଘ ଦିନ ହେବ ଏହି କେନାଲଟି ଶୋଚନୀୟ ହୋଇ ପଡିଥିବାବେଳେ ଏହାର ମରାମତି କରିବା ପାଇଁ ସ୍ଥାନୀୟ ଚାଷୀ ବାରମ୍ବାର ବିଭାଗୀୟ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଥିଲେ ମଧ୍ୟ କୌଣସି ସୁଫଳ ମିଳିନାହିଁ। ଶେଷରେ ଏପରି ପରିସ୍ଥିତି ଉପୁଜୁଥିବା ଚାଷୀ ମାନେ ପ୍ରକାଶ କରିଛନ୍ତି। ଅନ୍ୟପଟେ,କେନାଲରେ ଘାଇ ହେବାପରେ ବିଭାଗ ପକ୍ଷରୁ ପାଣି ବନ୍ଦ କରାଯାଇଛି। ଫଳରେ ଏହି କେନାଲରେ ଏବେ ଜଳ ଯୋଗାଣ ବନ୍ଦ ରହିଛି।
