ଦିଗପହଣ୍ଡି,୩୦।୧୨(ଅଶେଷ ନାଥ ମିଶ୍ର) ଗଞ୍ଜାମ ଜିଲା ସାନଖେମୁଣ୍ଡି ଉନ୍ନୟନ କ୍ରିୟାନୁଷ୍ଠାନ କମିଟି ପକ୍ଷରୁ ପୂର୍ବ ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ ମଙ୍ଗଳବାର ସ୍ଥାନୀୟ ତହସିଲ କାର୍ଯ୍ୟାଳୟ ସମ୍ମୁଖରେ ଚାଷୀ ବିକ୍ଷୋଭ ଅନୁଷ୍ଠିତ ହୋଇଥିଲା।ଉନ୍ନୟନ କ୍ରିୟାନୁଷ୍ଠାନ କମିଟି ର କାର୍ଯ୍ୟକର୍ତ୍ତା, ବହୁ ସଂଖ୍ୟକ ସଭ୍ୟ ଏବଂ ବିଭିନ୍ନ ପଞ୍ଚାୟତ ରୁ ଆସିଥିବା ଚାଷୀ ବୃନ୍ଦ ପାଟପୁର ଗାନ୍ଧୀ ଛକରୁ ଶୋଭାଯାତ୍ରା ରେ ବାହାରି ତହସିଲ କାର୍ଯ୍ୟାଳୟ ସମ୍ମୁଖରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିଥିଲେ। ଧାନମଣ୍ଡି ରେ ଚାଷୀଙ୍କ ଠାରୁ କ୍ଵିଣ୍ଟାଲ ପିଛା ୧୦ ରୁ ୧୫ କେଜି ଧାନ କଟନି ଛଟନି ବନ୍ଦ କରିବା। ଅନେକ ପଞ୍ଚାୟତରେ କାଗଜ କଲମ ରେ ମଣ୍ଡି ଖୋଲାଯିବା ଦର୍ଶାଯାଇଥିବା ବେଳେ ବାସ୍ତବ ରେ ମଣ୍ଡି ଖୋଲାଯାଇ ନାହିଁ।ତୁରନ୍ତ ସମସ୍ତ ଧାନ ମଣ୍ଡି ଖୋଲାଯାଇ ସରକାରଙ୍କ ନିର୍ଦ୍ଧାରିତ ଦରରେ ଚାଷୀଙ୍କ ଠାରୁ ଧାନ କ୍ରୟ କରାଯିବା। ଗତ ମୋନ୍ଥା କ୍ଷତିଗ୍ରସ୍ତ ଚାଷୀଙ୍କୁ କ୍ଷତିପୂରଣ ପ୍ରଦାନ କରିବା। ଏଫଏକ୍ୟୁ ମାନ କୋହଳ କରାଯାଇ ଚାଷୀଙ୍କ ଉତ୍ପାଦିତ ସମସ୍ତ ଧାନକୁ ମଣ୍ଡିରେ କ୍ରୟ କରାଯିବା। ରବି ଫସଲ ପାଇଁ ମାଗଣା ରେ ବିହନ, ସାର, କୀଟନାଶକ ପ୍ରଦାନ କରାଯିବା। ସମସ୍ତ ଚାଷୀଙ୍କ କୃଷି ଋଣ, ଜଳକର, ବିଦ୍ୟୁତ ଟିକସ ଛାଡ଼ କରାଯିବା। ଚକଡା, ମାଟିଆଗୁଣ୍ଡି ପୋକ କ୍ଷତିଗସ୍ତ ଚାଷୀଙ୍କୁ କ୍ଷତିପୂରଣ ପ୍ରଦାନ। ବନ୍ୟପ୍ରାଣୀ ବାରହା ,ହାତୀ, ମାଙ୍କଡ଼ ଙ୍କ ଯୋଗୁଁ କ୍ଷତିଗସ୍ତ ଚାଷୀଙ୍କୁ କ୍ଷତିପୂରଣ ପ୍ରଦାନ। ଅଚଳ ଉଠା ଜଳସେଚନ ପଏଣ୍ଟ ଗୁଡ଼ିକୁ ଯୁଦ୍ଧକାଳୀନ ଭିତ୍ତିରେ ମରାମତି କରାଯିବା। ଆବେଦନ କରିଥିବା ସମସ୍ତ ଚାଷୀଙ୍କୁ କ୍ଲଷ୍ଟର ବୋର ମଞ୍ଜୁର କରାଯିବା। ଏମଜିଏନଆରଜିଏସ ଯୋଜନା ନାମ ପରିବର୍ତ୍ତନକୁ ତୁରନ୍ତ ପ୍ରତ୍ୟାହାର କରାଯିବା। ଧାନମଣ୍ଡିରେ ଅନିୟମିତତା ବନ୍ଦ କରିବା ପ୍ରଭୃତି ୯ ଦଫା ଦାବି ହାସଲ ପାଇଁ ଅତିରିକ୍ତ ତହସିଲଦାର ଦିଲ୍ଲୀପ କୁମାର ଜେନା ଙ୍କୁ ମୁଖ୍ୟମନ୍ତ୍ରୀ ମୋହନ ଚରଣ ମାଝି ଙ୍କ ଉଦ୍ଦେଶ୍ୟରେ ଦସ୍ତଖତ ସମ୍ବଳିତ ସ୍ମାରକପତ୍ର ପ୍ରଦାନ କରାଯାଇଥିଲା।ବର୍ଷୀୟାନ କୃଷକ ନେତା ଶମ୍ଭୁ ପଣ୍ଡା ଙ୍କ ଅଧ୍ୟକ୍ଷତାରେ ଆୟୋଜିତ ପ୍ରତିବାଦ ସଭାରେ କମିଟି ଆବାହକ ତଥା ପୂର୍ବତନ ବ୍ଲକ ଅଧ୍ୟକ୍ଷ ଅନ୍ତର୍ଯ୍ୟାମୀ ସ୍ୱାଇଁ, ଅବସରପ୍ରାପ୍ତ ବିଡ଼ିଓ ହରିମୋହନ ଜେନା, ଅବସରପ୍ରାପ୍ତ ବ୍ଲକ ଶିକ୍ଷାଧିକାରୀ ଲିଙ୍ଗରାଜ ସ୍ବାଇଁ, ଅନନ୍ତ ମହାଙ୍କୁଡ଼, ଅଳକ ନାଥ ମିଶ୍ର ପୂର୍ବତନ ସରପଞ୍ଚ ସୁଶାନ୍ତ ସ୍ୱାଇଁ , ନିତ୍ୟାନନ୍ଦ ପ୍ରଧାନ,ସୂର୍ଯ୍ୟ ନାରାୟଣ ଦଳ ବେହେରା, ଅନନ୍ତ ମହାଙ୍କୁଡ, ସୂର୍ଯ୍ୟନାରାୟଣ ଦଳବେହେରା, କେ. ଶ୍ୟାମସୁନ୍ଦର ଦୋରା ଅଶୋକ ଜେନା, ସିପିଆଇ ଜୋନାଲ କମିଟି ସମ୍ପାଦକ କୈଳାସ ପାତ୍ର, ଜିଲା ପରିଷଦ ସଦସ୍ୟ ଅମିନ ପ୍ରଧାନ, ସରପଞ୍ଚ ପ୍ରତିନିଧି ମିଥୁନ ସେଠୀ, ଏ. କୈଳାସ ପାତ୍ର,ବିନାୟକ ଦାସ, ଏ. ଜଗନ୍ନାଥ ପାତ୍ର, ଗୋପାଳ ରାଉଳ, ବସନ୍ତ ସ୍ୱାଇଁ, ରାଜେନ୍ଦ୍ର ସାହୁ, ସୁକାନ୍ତ ବେହେରା ପ୍ରମୁଖ ଉପସ୍ଥିତ ରହି ଉଭୟ କେନ୍ଦ୍ର ଓ ରାଜ୍ୟସରକାରଙ୍କ ଚାଷୀ ମାରଣ ନୀତି ବିରୋଧରେ ଉଦବୋଧନ ଦେଇଥିଲେ। ଆଇନ ଶୃଙ୍ଖଳା ରକ୍ଷା ନିମନ୍ତେ ପାଟପୁର ଥାନା ପକ୍ଷରୁ ପୋଲିସ ମୁତୟନ ଥିଲେ ।
