ଚଣ୍ଡିଗଡ,୧୬।୩: ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂ ବାଦଲଙ୍କୁ କୋଟକାପୁର ଗୁଳିକାଣ୍ଡ ମାମଲାରେ ଗୁରୁବାର ଜିଲା କୋର୍ଟ ପକ୍ଷରୁ ଆଗୁଆ ଜାମିନ ମିଳିଛି। ଏହି ଘଟଣାରେ ପୂର୍ବତନ ଉପମୁଖ୍ୟମନ୍ତ୍ରୀ ସୁଖବୀର ସିଂ ବାଦଲଙ୍କ ଜାମିନ ଆବେଦନକୁ ପ୍ରତ୍ୟାଖ୍ୟାନ କରାଯାଇଛି। ଏହା ବ୍ୟତୀତ ତତ୍କାଳୀନ ଏସଏସପି ସୁଖମନ୍ଦର ସିଂ ମାନଙ୍କ ଜାମିନ ଆବେଦନକୁ ଜିଲା କୋର୍ଟ ମଧ୍ୟ ପ୍ରତ୍ୟାଖ୍ୟାନ କରିଛନ୍ତି। ଏହି ନିଷ୍ପତ୍ତି ଅତିରିକ୍ତ ଜିଲା ତଥା ସେସନ ଜଜ ରାଜୀବ କଲଦା ଏହି ନିଷ୍ପତ୍ତି ଶୁଣାଇଛନ୍ତି।
ଅକ୍ଟୋବର ୧୨, ୨୦୧୫ରେ, ଫରିଦକୋଟର ବାରଗରୀ ଠାରେ ଶ୍ରୀ ଗୁରୁ ଗ୍ରନ୍ଥ ସାହେବ ଜୀଙ୍କୁ ଅପମାନିତ କରିବା ଅଭିଯୋଗରେ ଶିଖ ସଂଗଠନଗୁଡ଼ିକ କୋଟକାପୁରା ଏବଂ ବାହୁବଲକାଲନରେ ବିରୋଧ ଆରମ୍ଭ କରିଥିଲେ। ଅକ୍ଟୋବର ୧୪ରେ ପୋଲିସର ଗୁଳିରେ ଦୁଇ ଶିଖ ଯୁବକଙ୍କର ମୃତ୍ୟୁ ଘଟିଥିଲା। ଏଥିସହିତ କୋଟକାପୁରା ଗୁଳିରେ ପ୍ରାୟ ୧୦୦ ବିକ୍ଷୋଭକାରୀ ଆହତ ହୋଇଥିଲେ। ଅଗଷ୍ଟ ୭, ୨୦୧୮ରେ ପୋଲିସ ଅଜ୍ଞାତ ବ୍ୟକ୍ତିଙ୍କ ବିରୋଧରେ ହତ୍ୟା ଉଦ୍ୟମ ମାମଲା ରୁଜୁ କରିଥିଲା।
କୋଟକାପୁରା ଗୁଳିକାଣ୍ଡ ମାମଲାରେ, ଏସ୍ଆଇଟି ୨୪ ଫେବୃଆରୀ ୨୦୨୨ରେ ଫରିଦକୋଟ କୋର୍ଟରେ ୭,୦୦୦ ପୃଷ୍ଠାର ଚାର୍ଜସିଟ ଦାଖଲ କରିଥିଲା। ଫେବୃଆରୀ ୨୪ରେ ଏଡିଜିପି ଏଲ.କେ ଯାଦବ ଏବଂ ଏସଏସପି ବଠିଣ୍ଡା ଗୁଲନେଟ ସିଂ ଖୁରାନାଙ୍କ ନେତୃତ୍ୱରେ ଏକ ଟିମ ଫରିଦକୋଟ କୋର୍ଟରେ ଚାର୍ଜସିଟ ଦାଖଲ କରିଥିଲେ।
