ଜି.ଉଦୟଗିରି, ୨।୪(ଶିଶିର ପଟ୍ଟନାୟକ): କନ୍ଧମାଳ ଜିଲା ଜି. ଉଦୟଗିରି ବ୍ଲକର ସହକାରୀ ଯନ୍ତ୍ରୀ ବାଳକୃଷ୍ଣ ମିଶ୍ର ଓ ଭାରପ୍ରାପ୍ତ ଗ୍ରାମ ପଞ୍ଚାୟତ ସମ୍ପ୍ରସାରଣ ଅଧିକାରୀ କୁମରମଣି ମଲ୍ଲିକଙ୍କ ନିଷ୍ଠାପର, କାର୍ଯ୍ୟଦକ୍ଷତା ଓ କର୍ତ୍ତବ୍ୟ ପରାୟଣତା କେହି ଭୁଲି ପାରିବେ ନାହିଁ ବୋଲି ବ୍ଲକ ତରଫରୁ ଅବସରକାଳୀନ ସମ୍ବର୍ଦ୍ଧନା ସଭାରେ କୁହାଯାଇଛି। ସହକାରୀ ଯନ୍ତ୍ରୀ ବାଳକୃଷ୍ଣ ଜଣେ ଦକ୍ଷ, ନିଷ୍ଠାପର ଓ ମେଳାପୀ ବ୍ୟକ୍ତି ଥିଲେ ବୋଲି ବକ୍ତାମାନେ କହିଥିଲେ। ସହକାରୀ ଯନ୍ତ୍ରୀ ଓ ଜିପିଇଓଙ୍କ ଜନହିତକର କାର୍ଯ୍ୟକୁ ସହଯୋଗୀ ଓ ଜନସାଧାରଣ ମନେ ରଖିବେ ବୋଲି କହିଥିଲେ। ଏହି କାର୍ଯ୍ୟକ୍ରମରେ ବିଡିଓ ମନୋଜ କୁମାର ଦେବତା, ବ୍ଲକ ଅଧ୍ୟକ୍ଷ ସୁଷମା ପ୍ରଧାନ, ସହକାରୀ ନିର୍ବାହୀ ଯନ୍ତ୍ରୀ ଅସିତ କୁମାର ସେଠୀଙ୍କ ସମେତ ବ୍ଲକର କର୍ମଚାରୀ ଓ ନିର୍ବାଚିତ ପ୍ରତିନିଧିମାନେ ଉପସ୍ଥିତ ଥିଲେ। ବିଡିଓ ମନୋଜ କୁମାର ଦେବତା ଉପଢୌକନ ଓ ପୁଷ୍ପଗୁଚ୍ଛ ଦେଇ ଉଭୟଙ୍କୁ ସମ୍ବର୍ଦ୍ଧିତ କରି ସେମାନଙ୍କ ଆଗାମୀ ଭବିଷ୍ୟତ କୁସମିତ ହେବ ବୋଲି କହିଥିଲେ।
