ନୂଆଦିଲ୍ଲୀ,୩୦।୧: ବିରାଟ କୋହଲି ୧୩ ବର୍ଷ ପରେ ରଣଜୀ ଟ୍ରଫିକୁ ଫେରିଛନ୍ତି। ନୂଆଦିଲ୍ଲୀର ଅରୁଣ ଜେଟଲି କ୍ରିକେଟ ଷ୍ଟାଡିୟମରେ ରଣଜୀ ମ୍ୟାଚରେ ଦିଲ୍ଲୀ ଏବଂ ରେଳବାଇ ଦଳ ମୁହାଁମୁହିଁ ହେଉଛନ୍ତି। ଏହି ମ୍ୟାଚରେ ଦିଲ୍ଲୀର ଅଧିନାୟକ ଆୟୁଷ ବାଡୋନି ଟସ ଜିତି ରେଳବାଇକୁ ପ୍ରଥମେ ବ୍ୟାଟିଂ କରିବାକୁ କହିଥିଲେ। ଲାଇଭ ମ୍ୟାଚ ସମୟରେ, ଜଣେ ବ୍ୟକ୍ତି ପଡ୍ରା ଭିତରକୁ ଦୌଡ଼ି ଆସି ବିରାଟ କୋହଲିଙ୍କ ପାଖକୁ ଦୌଡ଼ିବାକୁ ଲାଗିଲେ। ଏହି ବ୍ୟକ୍ତିଙ୍କୁ ଗ୍ରାଉଣ୍ଡ ମଝିରେ ଦୌଡ଼ୁଥିବାର ଦେଖି, ଫିଲଡରମାନେ ନିଜ ନିଜ ସ୍ଥାନରେ ଅଟକିଗଲେ। ଆଉ କ’ଣ ଘଟୁଛି ଦେଖିବା ପାଇଁ ସେ ଠିଆ ହେଲେ। ବ୍ୟାଟସମ୍ୟାନ ମଧ୍ୟ ସେହି ବ୍ୟକ୍ତି ଆଡ଼କୁ ଚାହିଁବାକୁ ଲାଗିଲେ। ଖେଳଟି କିଛି ସମୟ ପାଇଁ ବନ୍ଦ ହୋଇଗଲା। ତା’ପରେ ଦୌଡ଼ୁଥିବା ବ୍ୟକ୍ତି ଜଣକ ଯାଇ କୋହଲିଙ୍କ ପାଦ ତଳେ ପଡ଼ିଗଲେ। ଏହା ପରେ ସୁରକ୍ଷା କର୍ମୀମାନେ ତାଙ୍କୁ କୋହଲିଙ୍କଠାରୁ ଅଲଗା କରିଦେଲେ। ଏହି ଦୃଶ୍ୟ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଗଲେ।
ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ସ୍ପଷ୍ଟ ଭାବରେ ଦେଖାଯାଉଛି ଯେ ଜଣେ ବ୍ୟକ୍ତି ବିରାଟ କୋହଲିଙ୍କ ପାଖକୁ ଦୌଡ଼ି ଆସି ଏହି କିମ୍ବଦନ୍ତୀ ବ୍ୟାଟସମ୍ୟାନଙ୍କ ପାଦ ତଳେ ପଡ଼ି ଯାଉଛନ୍ତି। ଏହା ପରେ, ଚାରିଆଡ଼େ ଖୁସିର ଲହରୀ ଖେଳିଯାଇଛି। ସୁରକ୍ଷା କର୍ମୀମାନେ ଆସି, ତାଙ୍କୁ ବାହାରକୁ ନେଇଯାଇଥିଲେ। ଏହି ସମୟରେ, ପଡ଼ିଆରେ ଉପସ୍ଥିତ ସମସ୍ତ ଖେଳାଳି ଏବଂ ଅମ୍ପାୟାର ତାଙ୍କୁ ଦେଖିବା ଆରମ୍ଭ କରିଥିଲେ।
