ଢାକା, ୧୯।୨ : ଆସନ୍ତା ଅପ୍ରିଲ ଦ୍ୱିତୀୟ ସପ୍ତାହରୁ ଆରମ୍ଭ ହେବାକୁ ଯାଉଛି ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ)ର ୧୪ତମ ସଂସ୍କରଣ। ସମାନ ସମୟରେ ଅନୁଷ୍ଠିତ ହେବ ବାଂଲାଦେଶ ଓ ଶ୍ରୀଲଙ୍କା ମଧ୍ୟରେ ଅନ୍ତିର୍ଜାତୀୟ ଟେଷ୍ଟ ଓ ଦିନିକିଆ ସିରିଜ। ଏହି କାରଣରୁ ଜାତୀୟ ଦଳ ବଦଳରେ ଆଇପିଏଲରେ ଖେଳିବାକୁ ନିଷ୍ପତ୍ତି ନେଇଛନ୍ତି ବାଂଲାଦେଶର ଅଲରାଉଣ୍ଡର ଶକିବ ଅଲ ହାସନ।
” ଆଇପିଏଲ ପାଇଁ ଶ୍ରୀଲଙ୍କା ଗସ୍ତରୁ ଓହରିବାକୁ ନିଷ୍ପତ୍ତି ସମ୍ପର୍କରେ ଶକିବ ଏକ ପତ୍ର ଜରିଆରେ ଆମକୁ ଜଣାଇଛନ୍ତି। ଆମେ ତାଙ୍କ ଅନୁରୋଧକୁ ଗ୍ରହଣ କରୁଛୁ। ଯାହାର ଇଚ୍ଛା ନାହିଁ, ଆମେ ତାଙ୍କୁ ବାଧ୍ୟ କରିବାକୁ ଚାହୁଁନାହିଁ “ ବୋଲି ବିସିବି ଅପରେଶନ୍ସ ଅଧ୍ୟକ୍ଷ ଆକ୍ରାମ ଖାନ କହିଛନ୍ତି। ଉଲ୍ଲେଖଥାଉ କି, ଶକିବଙ୍କୁ ୩.୨୦ କୋଟି ଟଙ୍କାରେ କୋଲକାତା ନାଇଟ୍ ରାଇଡର୍ସ (କେକେଆର) କିଣିଛି।
