ନୂଆଦିଲ୍ଲୀ,୧୬।୩ : କ୍ରମାଗତ ୩ୟ ମାସ ଲାଗି ଭାରତୀୟ ରପ୍ତାନି କ୍ଷେତ୍ରରେ ହ୍ରାସ ଦେଖିବାକୁ ମିଳିଛି। ବିଶେଷକରି ଅନ୍ତଃରାଷ୍ଟ୍ରୀୟ ସମସ୍ୟା ଓ ବୈଶ୍ବିକ ମାନ୍ଦାବସ୍ଥା ଯୋଗୁ ଦେଶର ରପ୍ତାନି ହାରରେ ହ୍ରାସ ଘଟିଛି। ଏପରିକି ଚଳିତ ବର୍ଷ ଫେବୃୟାରୀରେ ଦେଶର ରପ୍ତାନି ପରିମାଣ ୮.୮% ହ୍ରାସ ଘଟିଥିବା ଜଣାପଡିଛି। ଏ ନେଇ ବୁଧବାର ବାଣିଜି୍ୟ ମନ୍ତ୍ରଣାଳୟ ପକ୍ଷରୁ ବିସ୍ତୃତ ସୂଚନା ମଧ୍ୟ ଦିଆଯାଇଛି।
ସେହିଭଳି ୨୦୨୩ ଫେବୃୟାରୀରେ ଦେଶର ରପ୍ତାନି ପରିମାଣ ୩୩.୮୮%କୁ ଖସିଛି, ଯେତେବେଳେ କି ୨୦୨୨ ଫେବୃୟାରୀରେ ଦେଶର ରପ୍ତାନି ହାର ୩୭.୧୫% ରହିଥିଲା। ଏପରିକି ଚଳିତ ବର୍ଷ ଫେବୃୟାରୀରେ ଦେଶର ବାଣିଜି୍ୟକ କ୍ଷତି ହ୍ରାସ ପାଇ ୧୭.୪୩ ବିଲିୟନ ଡଲାରରେ ରହିଛି। ଅପରପକ୍ଷରେ ଚଳିତ ବର୍ଷ ଫେବୃୟାରୀ ଆମଦାନୀରେ ମଧ୍ୟ ୮.୨୧% ହ୍ରାସ ହୋଇଛି।
୨୦୨୩ ଫେବୃୟାରୀରେ ଦେଶର ଆମଦାନୀ ୫୧.୩୧ ବିଲିୟନ ଡଲାର ହୋଇଛି, ଯାହା ୨୦୨୨ ଫେବୃୟାରୀରେ ୫୫.୯ ବିଲିୟନ ଡଲାର ଥିଲା। ଉଲ୍ଲେଖଯୋଗ୍ୟ, ଚଳିତ ଆର୍ଥିକ ବର୍ଷ (ଏପ୍ରିଲରୁ ଫେବୃୟାରୀ) ର ୧୧ ମାସ ସମୟ ମଧ୍ୟରେ ଦେଶରୁ ସମୁଦାୟ ରପ୍ତାନି ୭.୫% ବୃଦ୍ଧି ଘଟି ୪୦୫.୯୪ବିଲିୟନ ଡଲାରରେ ରହିଛି। ଏହି ସମୟ ମଧ୍ୟରେ ଦେଶର ଆମଦାନୀ ୧୮.୮୨% ବୃଦ୍ଧି ଘଟି ୬୫୩.୪୭ ବିଲିୟନ ଡଲାର ହୋଇଛି ବୋଲି ମନ୍ତ୍ରଣାଳୟ ପକ୍ଷରୁ କୁହାଯାଇଛି।
