ଅହମ୍ମଦାବାଦ,୧୧।୨: ଅହମ୍ମଦାବାଦରେ ଦକ୍ଷିଣ ଆଫ୍ରିକା ଏବଂ ଆଫଗାନିସ୍ତାନ ମଧ୍ୟରେ ଏକ ରୋମାଞ୍ଚକ ମ୍ୟାଚ୍ ଖେଳା ଯାଇଥିଲ। ପ୍ରଥମେ ବ୍ୟାଟିଂ କରି ଦକ୍ଷିଣ ଆଫ୍ରିକା ୨୦ ଓଭରରେ ୬ ଉଇକେଟ ହରାଇ ୧୮୭ ରନ କରିଥିଲା। ଜବାବରେ ଆଫଗାନିସ୍ତାନ ୧୮୮ ରନ ଲକ୍ଷ୍ୟକୁ ପିଛା କରିବାରେ ବିଫଳ ହୋଇଥିଲା ଏବଂ ୨୦ ଓଭରରେ ୧୦ ଉଇକେଟ ହରାଇ କେବଳ ୧୮୭ ରନ କରିପାରିଥିଲା।ମ୍ୟାଚ୍ ଟାଇ ହେବା ପରେ ସେଥିରେ ଖେଳାଯାଇଥିବା ପ୍ରଥମ ସୁପର ଓଭର ମଧ୍ୟ ଟାଇ ହେବାରୁ ଏହା ଆହୁରି ରୋମାଞ୍ଚକର ହୋଇଥିଲା। ତା’ପରେ ଦ୍ୱିତୀୟ ସୁପର ଓଭରରେ ଦକ୍ଷିଣ ଆଫ୍ରିକା ବାଜି ମରିଥିଲା। ଟି୨୦ ବିଶ୍ୱକପ୍ ଇତିହାସରେ ପ୍ରଥମ ଥର ଗୋଟିଏ ମ୍ୟାଚରେ ଦୁଇଟି ସୁପର ଓଭର ଦେଖିବାକୁ ମିଳିଲା।
ପ୍ରଥମ ସୁପର ଓଭରରେ ଆଫଗାନିସ୍ତାନ ପ୍ରଥମେ ବ୍ୟାଟିଂ କରି ୧୭ ରନ୍ କରିଥିଲା। ଜବାବରେ ଦକ୍ଷିଣ ଆଫ୍ରିକା ଟିମ୍ ମଧ୍ୟ ୧୭ ରନ୍ ହିଁ କରିପାରିଲା। ଏହା ପରେ ମ୍ୟାଚ୍ ଦ୍ୱିତୀୟ ସୁପର ଓଭରକୁ ପହଞ୍ଚିଲା। ଏଥିରେ ସାଉଥ ଆଫ୍ରିକା ପ୍ରଥମେ ବ୍ୟାଟିଂ କରି ୨୩ ରନ୍ ସଂଗ୍ରହ କରିଥିଲା। ଆଫଗାନିସ୍ତାନଙ୍କ ସମ୍ମୁଖରେ ୨୪ ରନ୍ର ଲକ୍ଷ୍ୟ ଥିଲା। ଲକ୍ଷ୍ୟ ପିଛା କରି ଶେଷ ବଲ୍ରେ ସେମାନଙ୍କୁ ୫ ରନ୍ ଦରକାର ଥିଲା। କିନ୍ତୁ ଦ୍ୱିତୀୟ ସୁପର ଓଭରର ଶେଷ ବଲ୍ରେ ଗୁରବାଜ ଆଉଟ୍ ହୋଇଗଲେ, ଏବଂ ଦକ୍ଷିଣ ଆଫ୍ରିକା ଏହି ରୋମାଞ୍ଚକ ଓ ଐତିହାସିକ ମ୍ୟାଚ୍ଟି ଜିତିନେଇଥିଲା।
ଆଫଗାନିସ୍ତାନ ପାଇଁ ରହମାନୁଲ୍ଲା ଗୁରବାଜ ଟି୨୦ ବିଶ୍ୱକପରେ ତାଙ୍କର ସବୁଠାରୁ ବଡ଼ ଇନିଂସ ଖେଳିଥିଲେ, ୪୨ ବଲ୍ରେ ୮୪ ରନ କରିଥିଲେ। ୨୦୦ ଷ୍ଟ୍ରାଇକ ରେଟ୍ରେ ଖେଳାଯାଇଥିବା ତାଙ୍କ ଇନିଂସରେ ୭ଟି ଛକା ଅନ୍ତର୍ଭୁକ୍ତ ଥିଲା। ରହମାନୁଲ୍ଲାଙ୍କ ଆଉଟ ପରେ ରଶିଦ ଖାନ ଏବଂ ଆଜମତୁଲ୍ଲା ଜାଜାଇ ମଧ୍ୟ ଭଲ ପ୍ରଦର୍ଶନ କରିଥିଲେ। ୨୦ତମ ଓଭର ଶେଷ ହେବା ପୂର୍ବରୁ ଦକ୍ଷିଣ ଆଫ୍ରିକା ଦୁଇ ବଲ ପୂର୍ବରୁ ଅଲଆଉଟ ହୋଇଯାଇଥିଲା, କିନ୍ତୁ ସେତେବେଳକୁ ସେମାନେ ଦକ୍ଷିଣ ଆଫ୍ରିକାର ସ୍କୋର ସହିତ ସମାନ ହୋଇସାରିଥିଲେ।
ପ୍ରଥମେ ବ୍ୟାଟିଂ କରି ଦକ୍ଷିଣ ଆଫ୍ରିକା ୨୦ ଓଭରରେ ୧୮୭ ରନ କରିଥିଲା। ଏଥିରେ ସେମାନଙ୍କର ଦୁଇ ବ୍ୟାଟ୍ସମ୍ୟାନ କ୍ୱିଣ୍ଟନ ଡି କକ ଏବଂ ରିଆନ ରିକେଲଟନ ପ୍ରମୁଖ ଭୂମିକା ଗ୍ରହଣ କରିଥିଲେ। ଉଭୟେ ସେମାନଙ୍କର ଅର୍ଦ୍ଧଶତକ ପୂରଣ କରିଥିଲେ। ଡି କକ ୪୧ ବଲ ରୁ ୫୯ ରନ କରିଥିବା ବେଳେ ରିଆନ ରିକି ପଣ୍ଟିଂ ମାତ୍ର ୨୮ ବଲ ରୁ ୨୧୭ ରୁ ଅଧିକ ଷ୍ଟ୍ରାଇକ ରେଟ ସହିତ ୬୧ ରନ କରିଥିଲେ।
Dharitri – Odisha’s No.1 Odia Daily
