ବଞ୍ଚୋ,୧୫ା୩(ପ୍ରଦୋଷ କୁମାର ବିଶ୍ୱାଳ ): ଆନନ୍ଦପୁର ଉପଜିଲାପାଳଙ୍କ ନିର୍ଦ୍ଦେଶକ୍ରମେ ଜିଲା ଅବକାରୀ ଅଧିକ୍ଷକଙ୍କ ତତ୍ତ୍ବାବଧନରେ ଆନନ୍ଦପୁର ଅବକାରୀ ରେଞ୍ଜ ପକ୍ଷରୁ ଚଢ଼ାଉ କରାଯାଇଛି । ଅବକାରୀ ନିରୀକ୍ଷକ ବ୍ରଜମୋହନ ମଲ୍ଲିକ ଏବଂ ହାଟଡିହି ଅବକାରୀ ଥାନା ଷ୍ଟାଫମାନଙ୍କୁ ନେଇ ଗଠିତ ଏକ ସ୍ୱତନ୍ତ୍ର ଟିମ ଘଷିପୁରା ଥାନା ଵାଲିପାଳ ଓ ନନ୍ଦିପଦା ଥାନା ଅନ୍ତର୍ଗତ ଅଙରା, ପୁରୁଣା ପାଣି ଅଞ୍ଚଳରେ ଚଢ଼ାଉ କରାଯାଇଛି । ତେବେ ଚଢ଼ାଉ ସମୟରେ ୭ କ୍ବିଣ୍ଟାଲ ୨୦ କିଗ୍ରା ମହୁଲ ଫୁଲ ଓ ୧୭୨ଲିଟର ଦେଶୀ ରନ୍ଧା ମଦ ଓ ୨୨୦୦ ଲିଟର ମହୁଲ ପୋଚ ଜବତ କରିଵା ସହ ଏକ ମହିନ୍ଦ୍ରା ପିକପ୍ ଭ୍ୟାନ ଜବତ କରାଯାଇଛି ।
ଏହି ଘଟଣାରେ ଜର ଗ୍ରାମର ଅଜୟ ସାହୁ ଓ ଲଜଣ ପୁତି ଓ ହାଟଡିହି ଏରିଆରେ ଅଙରା ଗ୍ରାମର ଟୁନା ମୁଣ୍ଡା ଓ ବସନ୍ତ ମେନା ନାମରେ ୦୨ଗୋଟି ଅବକାରୀ ମାମଲା ଓ ରେଞ୍ଜ ପକ୍ଷରୁ ଗୋଟିଏ ଅବକାରୀ ମାମଲା ରୁଜୁ କରାଯାଇଛି । ଉକ୍ତ ଚଢ଼ାଉରେ ହାଟଡିହି ଅବକାରୀ ଥାନା ସହ ଉପ-ନିରୀକ୍ଷକ, ସୁଶାନ୍ତ ରାଉତ କନେଷ୍ଟବଳ ଜଗମୋହନ ବେହେରା, ଆରତୀ ବେହେରା, ସୁରେଶ ବେହେରାଙ୍କ ସହ ଅନ୍ୟ ଅଧିକାରୀମାନେ ସାମିଲ ଥିଲେ ।
Dharitri – Odisha’s No.1 Odia Daily
