ପୁରୁଷୋତ୍ତମପୁର,୧୦/୧୨(ସବିତା ମଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ବିଚାର ବିଭାଗୀୟ ଅଦାଲତର ତାଲୁକା ଆଇନସେବା ପ୍ରାଧିକରଣ କମିଟି ପକ୍ଷରୁ ତାରାତାରିଣୀ କଲେଜ ପରିସରରେ ବୁଧବାର ମାନବ ଅଧିକାର ଦିବସ ଆଇନସେବା କମିଟିର ଅଧ୍ୟକ୍ଷ ସିନିୟର ସିଭିଲଜଜ ତଥା ଆସିଷ୍ଟାଣ୍ଟ ସେସନଜଜ ଶରତକୁମାର ସାହୁଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି। ଏଥିରେ ଜେଏମଏଫସିର ବିଚାରପତି ଅନନ୍ୟା ଅପର୍ମିତା, କଲେଜର ଅଧ୍ୟକ୍ଷ ଡଃ ପ୍ରଦୀପକୁମାର ସାହୁ, ଓକିଲସଂଘ ସଭାପତି କ୍ରୁଷ୍ଣଚନ୍ଦ୍ର ଗୌଡ,ଅଧ୍ୟାପକ ସୁଶାନ୍ତ କୁମାର ସାହୁ ଯୋଗଦେଇଥିଲେ।
ଏହି ଅବସରରେ ବିଚାରପତି ଶରତକୁମାର ସାହୁ ସମାଜରେ ଯେପରି କୌଣସି ବ୍ୟକ୍ତିଙ୍କ ସମ୍ମାନ କ୍ଷୁର୍ଣ୍ଣ ହେବନାହିଁ, କାହାରିକୁ ବି ନିର୍ଯାତନା ଦିଆଯାଇପାରିବ ନାହିଁ, ସମ୍ମାନ କ୍ଷୁର୍ଣ୍ଣ ହେବାଭଳି ବ୍ୟବହାର ସହ ଦଣ୍ଡବିଧାନ ନ କରିବା ଲାଗି ବିଭିନ୍ନ ପରାମର୍ଶମାନ ଦେଇ ସମସ୍ତେ କିପରି ସମାଜରେ ଆତ୍ମସମ୍ମାନର ସହ ସୁରକ୍ଷିତ ଭାବେ ବଞ୍ଚିପାରିବେ ସେଥିନେଇ ଗୁରୁତ୍ୱାରୋପ କରି ମାନବାଅଧିକାର ଆଇନମାନ ସମ୍ପର୍କରେ ବୁଝାଇଥିବାବେଳେ ପ୍ରଥମଶ୍ରେଣୀ ବିଚାରପତି ଅନନ୍ୟା ଅପର୍ମିତା ମାନବଅଧିକାର ଆଇନ କଣ ଓ ଏହାକୁ ଉଲଂଘନ କଲେ କ’ଣ ହୁଏ ସେଥିନେଇ ଗୁରୁତ୍ୱାରୋପ କରିଥିଲେ।
ଏହି ଅବସରରେ ରାଜନୀତି ବିଜ୍ଞାନ ମୁଖ୍ୟ ଅଧ୍ୟାପକ ସୁଶାନ୍ତ କୁମାର ସାହୁଙ୍କ ତତ୍ତ୍ୱାବଧାନରେ ଦ୍ୱିତୀୟ ବର୍ଷର ଛାତ୍ରୀ ଶ୍ରୀୟା ଗନ୍ତାୟତ ମାନବାଧିକାରକୁ ନେଇ ଶୀର୍ଷକ ନିବନ୍ଧକଟିକୁ ଉପସ୍ଥାପନ କରିଥିବାବେଳେ ଅତିଥିମାନେ ଛାତ୍ରୀଛାତ୍ରଙ୍କୁ ମାନପତ୍ରଦେଇ ସମ୍ମାନିତ କରିଥିଲେ। ଏଥିରେ ବହୁ ଓକିଲ ଓ କଲେଜର ଅଧ୍ୟାପକ, ଅଧ୍ୟାପିକା ଯୋଗଦେଇଥିଲେ। ଏହାକୁ କୋର୍ଟର କର୍ମଚାରୀମାନେ ପରିଚାଳନା କରିଥିଲେ।
Dharitri – Odisha’s No.1 Odia Daily
