ନୂଆଦିଲ୍ଲୀ,୨୮।୪: କରୋନା ମହାମାରୀ ସଂକ୍ରମଣ ଯୋଗୁ ଦେଶରେ ଆତଙ୍କ ଦେଖାଦେଇଛି। କରୋନା ଭୂତାଣୁ ସଂକ୍ରମଣ ତୀବ୍ର ବେଗରେ ବ୍ୟାପୁଥିବାରୁ ଏହାକୁ ରୋକିବା ଅସମ୍ଭବ ହୋଇପଡ଼ିଛି। ଏପରିସ୍ଥଳେ ଦିଲ୍ଲୀ ଏମ୍ସ୍ର ନିର୍ଦ୍ଦେଶକ ଡ. ରଣଦୀପ୍ ଗୁଲେରିଆ କହିଛନ୍ତି ଯେ, ଆକ୍ରାନ୍ତଙ୍କ ସହିତ ୧ ମିନିଟ୍ ରହିଲେ ମଧ୍ୟ ନୂଆ ଷ୍ଟ୍ରେନ୍ ସୁସ୍ଥ ଲୋକଙ୍କୁ ଆକ୍ରାନ୍ତ କରୁଛି। ତେଣୁ ସତର୍କତା ଅବଲମ୍ବନ କରିବା ଜରୁରୀ। ନୂଆ ଷ୍ଟ୍ରେନ୍ ନୂଆ ଲକ୍ଷଣ ନେଇ ଆସିଛି। ଲୋକଙ୍କଠାରେ ଥଣ୍ଡା ନ ହେଲେ ମଧ୍ୟ ସେମାନେ କରୋନା ପଜିଟିଭ୍ ରହୁଛନ୍ତି। ଜ୍ୱର ନ ହେଲେ ବି ନମୁନା ରିପୋର୍ଟ କରୋନା ପଜିଟିଭ୍ ବାହାରୁଛି। ନୂଆ ଷ୍ଟ୍ରେନ୍ରେ ଗ୍ୟାସ୍, ପେଟ ଗୋଳମାଳ, କାଶ, ଥକା ଲାଗିବା ଆଦି ଲକ୍ଷଣ ଦେଖାଦେଉଛି। ଏଭଳି ସମସ୍ୟା ଦେଖାଦେଉଥିବା ଲୋକଙ୍କଠାରୁ ଦୂରେଇ ରହିବା ଏବେ ଜରୁରୀ ହୋଇପଡ଼ିଛି। ୮୦ ପ୍ରତିଶତ ଲୋକଙ୍କ କ୍ଷେତ୍ରରେ କାଶ ହେଉଥିବା ସମସ୍ୟା ଦେଖାଯାଉଛି। ଲଭଳି ଲକ୍ଷଣ ଥିବା ଲୋକଙ୍କ ପାଖରେ ଅଧିକ ସମୟ ନ ରହିବା ଆବଶ୍ୟକ ବୋଲି ସେ କହିଛନ୍ତି।
