ଆଣ୍ଟିଗୁଆ,୨।୨:ଇଂଲଣ୍ଡ ଅଣ୍ଡର -୧୯ ବିଶ୍ୱକପ ଫାଇନାଲରେ ପହଞ୍ଚିଛି। ପ୍ରଥମ ସେମିଫାଇନାଲରେ ସେମାନେ ଡକ ଓ୍ବର୍ଥ-ଲୁଇସ ନିୟମ ଆଧାରରେ ଆଫଗାନିସ୍ତାନକୁ ୧୫ ରନ୍ରେ ପରାସ୍ତ କରିଥିଲେ। ଏହା ସହ ଆଫଗାନିସ୍ତାନର ପ୍ରଥମ ଥର ପାଇଁ ଆଇସିସି ବିଶ୍ୱକପ ଫାଇନାଲରେ ପ୍ରବେଶ କରିବାର ସ୍ବପ୍ନ ଧୂଳିସାତ୍ ହୋଇଛି। ୨୪ବର୍ଷ ପରେ ଇଂଲଣ୍ଡ ଦଳ ଅଣ୍ଡର -୧୯ ବିଶ୍ୱକପ ଫାଇନାଲରେ ପ୍ରବେଶ କରିଛି। ବର୍ଷା ହେତୁ ମ୍ୟାଚ ୪୭-୪୭ ଓଭର ନିର୍ଦ୍ଧାରିତ ହୋଇଥିଲା। ପ୍ରଥମେ ବ୍ୟାଟିଂ କରି ଇଂଲଣ୍ଡ ୪୭ ଓଭରରେ ୬ ଉଇକେଟ୍ ହରାଇ ୨୩୧ ସ୍କୋର କରିଥିଲା। ଏହାର ଜବାବରେ ଆଫଗାନିସ୍ତାନର ଦଳ କେବଳ ୯ ଉଇକେଟ୍ ହରାଇ ୨୧୫ ରନ ସ୍କୋର କରିପାରିଥିଲା। ଫାଇନାଲରେ ଅଷ୍ଟ୍ରେଲିଆ ଏବଂ ଭାରତ ମଧ୍ୟରେ ଦ୍ୱିତୀୟ ସେମିଫାଇନାଲ ବିଜେତା ଦଳକୁ ଇଂଲଣ୍ଡ ମୁକାବିଲା କରିବ।
ଆଫଗାନିସ୍ତାନର ଦଳ ପ୍ରଥମ ଥର ପାଇଁ ସେମିଫାଇନାଲରେ ପ୍ରବେଶ କରିଥିଲା ଏବଂ ଅନଭିଜ୍ଞତା ଯୋଗୁ ଦଳ ସେମିଫାଇନାଲରେ ହାରିଥିଲା। ଏହି ମ୍ୟାଚ୍ରେ ଇଂଲଣ୍ଡ ପ୍ରଥମେ ବ୍ୟାଟିଂ କରିଥିଲା ଏବଂ ଏକ ସମୟରେ ଆଫଗାନିସ୍ତାନ ୧୩୧ ରନରେ ଇଂଲଣ୍ଡର ୬ ଉଇକେଟ ହରାଇଥିଲା। ଲାଗୁଥିଲା ଆଫଗାନିସ୍ତାନ ଦଳ ଆଜି ଇତିହାସ ସୃଷ୍ଟି କରିବାରେ ସକ୍ଷମ ହେବ। କିନ୍ତୁ ଆଫଗାନିସ୍ତାନ ଦଳ ଏହା କରିପାରି ନ ଥିଲା। ଶେଷ ୧୨ ଓଭରରେ ଆଫଗାନିସ୍ତାନର ବୋଲିଂ ଅତ୍ୟନ୍ତ ଖରାପ ଥିଲା। ତାଙ୍କ ବୋଲରମାନେ ୯୫ ରନ ଦେଇଥିଲେ। ଏହି ଗୋଟିଏ ଭୁଲ ଯୋଗୁ ଦଳର ସ୍ବପ୍ନ ଚୂରମାର୍ ହୋଇଥିଲା।
