ବେଙ୍ଗାଲୁରୁ,୨ା୧୧: ୨୦୧୯ ପୁଲ୍ଓ୍ବାମା ଆତ୍ମଘାତୀ ବିସ୍ଫୋରଣ ଘଟଣାକୁ ନେଇ ଫେସ୍ବୁକ୍ ଜରିଆରେ ଖୁସି ମନାଇଥିବା ବେଙ୍ଗାଲୁରୁର ୨୩ ବର୍ଷୀୟ ଇଞ୍ଜିନିୟରିଂ ଛାତ୍ରଙ୍କୁ ଏକ ସ୍ବତନ୍ତ୍ର ଅଦାଲତ ଦୋଷୀସାବ୍ୟସ୍ତ କରିବା ସହ ୫ ବର୍ଷ ଜେଲ ଦଣ୍ଡାଦେଶ ଦେଇଛନ୍ତି। ୨୦୧୯ ଫେବୃୟାରୀ ୧୪ରେ ଜୈଶ-ଇ-ମହମ୍ମଦ ଆତଙ୍କବାଦୀ ସଂଗଠନର ଆତଙ୍କବାଦୀ ଜମ୍ମୁ-କଶ୍ମୀରର ପୁଲ୍ଓ୍ବାମାରେ ସିଆର୍ପିଏଫ୍ର ଏକ ଗାଡ଼ି ସହ ବିସ୍ଫୋରକ ଭର୍ତ୍ତି ଯାନ ଧକ୍କା କରାଇବାରୁ ୪୦ ଯବାନ ଶହୀଦ ହୋଇଥିଲେ। ଯବାନଙ୍କ ମୃତ୍ୟୁରେ ତୃତୀୟ ବର୍ଷ ଇଲେକ୍ଟ୍ରୋନିକ୍ ଓ କମ୍ୟୁନିକେଶନ ଛାତ୍ର ଫୈଜ୍ ସୋସିଆଲ ମିଡିଆରେ ଖୁସି ମନାଇଥିଲେ। ଘଟଣାର ୩ ଦିନ ପରେ ଗିରଫ ହୋଇ ସେ ବେଙ୍ଗାଲୁରୁ କେନ୍ଦ୍ରୀୟ କାରାଗାରରେ ରହିଥିଲେ।
