ଭୁବନେଶ୍ୱର,୩୧।୩:ଦେଶର ସର୍ବବୃହତ୍ ଆଲୁମିନିୟମ ଉପତ୍ାଦନକାରୀ ବେଦାନ୍ତ ଆଲୁମିନିୟମ ପକ୍ଷରୁ ମାସେବ୍ୟାପୀ ଏକ ଅଭିନବ ଉତ୍ସବ ପାଳନ କରାଯାଇଥିଲା। ଏପରିକି ସମାନତା କର୍ମକ୍ଷେତ୍ର ପ୍ରଥା ମୂଳଦୁଆ ଉପରେ ଆଧାରିତ ଅଭିବୃଦ୍ଧି ରୋଡ୍ମ୍ୟାପ୍ ଦ୍ୱାରା କମ୍ପାନୀ ଭିତରେ ଲିଙ୍ଗଗତ ବିବିଧତାରେ ଉନ୍ନତି ଆଣିବା ଲାଗି ବେଦାନ୍ତ ଆଲୁମିନିୟମ ସର୍ବଦା ଉଦ୍ୟମ କରୁଛି। ବିଶେଷକରି ଅନ୍ତର୍ଜାତୀୟ ମହିଳା ଦିବସ-୨୦୨୩ ପାଳନ ପରିପ୍ରେକ୍ଷୀରେ କମ୍ପାନୀ ଅନେକ ପଦକ୍ଷେପ ଗ୍ରହଣ କରିଥିଲା। ଅପରପକ୍ଷରେ କମ୍ପାନୀର ମହିଳା କର୍ମଚାରୀ ଓ ସ୍ଥାନୀୟ ଗୋଷ୍ଠୀର ସଦସ୍ୟମାନଙ୍କ ପାଇଁ ସମାନତାକୁ ଗ୍ରହଣ କରିବା (ଏମ୍ବ୍ରାସ୍ ଇକ୍ୱିଟି) ବିଷୟବସ୍ତୁ ଉପରେ ବ୍ୟାପକ କାର୍ଯ୍ୟକ୍ରମର ଆୟୋଜନ କରାଯାଇଥିଲା।
ଏ ସମ୍ପର୍କରେ ବେଦାନ୍ତ ଲିମିଟେଡ୍(ଝାରସୁଗୁଡ଼ା)ର ସିଇଓ ସୁନୀଲ ଗୁପ୍ତା କହିଛନ୍ତି,ବେଦାନ୍ତ ଆଲୁମିନିୟମରେ ଲିଙ୍ଗଗତ ସମାନତା ପ୍ରତି ଆମ ଆଭିମୁଖ୍ୟର ବିଶ୍ୱାସ ଓ ସଂସ୍କୃତିର ସ୍ତମ୍ଭ ଗଠନ କରିଛି। ଏପରିକି ଧାତବ, ଖଣି ଓ ଭାରି ଇଞ୍ଜିନିୟରିଂ ଶିଳ୍ପ ପରେ ବିଶ୍ୱ ଲିଙ୍ଗଗତ ବିବିଧତା ଏକ ଅଙ୍କ ସଂଖ୍ୟା ଭଳି ନିମ୍ନସ୍ତରରେ ରହିଥିବା ବେଳେ ଶିଳ୍ପର ଅଗ୍ରଣୀ ମାନବ ସମ୍ବଳ ପ୍ରଥାକୁ ନେଇ ଆମର ସୁସ୍ଥକର ଲିଙ୍ଗଗତ ବିବିଧତା ଶତାଂଶ ରହିଛି। ସମସ୍ତଙ୍କ ପାଖରେ ସମାନ ସୁଯୋଗ ପହଞ୍ଚାଇବାର ଏହି ସଂସ୍କୃତିକୁ ଆମେ ସ୍ଥାନୀୟ ଗୋଷ୍ଠୀ ପାଖରେ ପହଞ୍ଚାଇବାକୁ ଉଦ୍ୟମ କରୁଛୁ। ଆମର ପ୍ରମୁଖ ନିରନ୍ତର ଜୀବନଜୀବିକା ଓ ମହିଳା ସଶକ୍ତୀକରଣ କାର୍ଯ୍ୟକ୍ରମ ଶୁଭଲକ୍ଷ୍ମୀ କୋ-ଅପରେଟିଭ୍ ଭଳି ଅନୁଷ୍ଠାନ ଜରିଆରେ ଆମେ ଗ୍ରାମୀଣ ଭାରତର ୪୧୦୦ରୁ ଅଧିକ ମହିଳାମାନଙ୍କ ପାଖରେ ଏକକାଳୀନ ଆର୍ଥିକ ସାକ୍ଷରତା, ଦକ୍ଷତା ବିକାଶ, ସଂସ୍ଥା ବିକାଶ ଆଦିକୁ ପହଞ୍ଚାଇ ସେମାନଙ୍କୁ ସାମାଜିକ, ଅର୍ଥନୈତିକ ବିକାଶରେ ଯୋଡ଼ିପାରିଛୁ।
