ଓ୍ବାଶିଂଟନ୍,୧।୩: ବିଶ୍ୱର ସବୁଠାରୁ ଧନୀ ବ୍ୟକ୍ତି ଏଲନ ମସ୍କ ପୁଣି ଥରେ ବାପା ହୋଇଛନ୍ତି। ଏଲନ ମସ୍କ ୧୪ ସନ୍ତାନର ବାପା ହୋଇଛନ୍ତି। ଆଜ୍ଞା ହଁ, ମସ୍କ ଏକ ଭିନ୍ନ ରେକର୍ଡ ସୃଷ୍ଟି କରିଛନ୍ତି। ନବଜାତ ଶିଶୁର ଜନ୍ମ ବିଷୟରେ ସୂଚନା ତାଙ୍କ ପାର୍ଟନର ଶିବନ ଜିଲିସ ଇନଷ୍ଟାଗ୍ରାମରେ ତାଙ୍କ ପୋଷ୍ଟରେ ଦେଇଛନ୍ତି। ଯାହାକୁ ମସ୍କ ମଧ୍ୟ ନିଶ୍ଚିତ କରିଛନ୍ତି। ସେମାନେ ଏହି ପିଲାଟିର ନାମ ସେଲଡନ ଲାଇକର୍ଗସ ରଖିଛନ୍ତି। କହି ରଖୁଛୁ ଯେ, ତାଙ୍କ ପାର୍ଟନର ତାଙ୍କ କମ୍ପାନୀ ନ୍ୟୁରାଲିଙ୍କର ଏକଜିକ୍ୟୁଟିଭ୍। ମସ୍କଙ୍କର ପୂର୍ବରୁ ତିନୋଟି ସନ୍ତାନ ଅଛନ୍ତି।
ଜିଲିସ ତାଙ୍କ ପୋଷ୍ଟରେ ଲେଖିଛନ୍ତି, ମୁଁ ଏବଂ ମସ୍କ ଆମ ଝିଅ ଆର୍କାଡିଆଙ୍କ ଜନ୍ମଦିନ ଅବସରରେ
ନିଷ୍ପତ୍ତି ନେଇଛୁ ଯେ ଆମେ ସମସ୍ତଙ୍କୁ ଆମର ସୁନ୍ଦର ପୁଅ ସେଲଡନ ଲାଇକର୍ଗସ ବିଷୟରେ ମଧ୍ୟ କହିବା ଉଚିତ୍। ହେଲେ ପିଲାଟି କେବେ ଜନ୍ମ ହୋଇଥିଲା ତାହା ଜିଲିସ ପ୍ରକାଶ କରି ନାହାନ୍ତି। ମସ୍କ ତାଙ୍କ ପୋଷ୍ଟର ଜବାବରେ ଏକ ହାର୍ଟ ଇମୋଜି ଦେଇଛନ୍ତି।
କହି ରଖୁଛୁ ଯେ ୨୦୨୧ରେ ମସ୍କ ଏବଂ ଜିଲିସ ଯମଜ ସନ୍ତାନର ମାତାପିତା ହୋଇଥିବା ଖବର ଆସିଥିଲା। ୨୦୨୪ରେ, ଜିଲିସ ତାଙ୍କର ତୃତୀୟ ସନ୍ତାନକୁ ଜନ୍ମ ଦେଇଥିଲେ। ଜିଲିସଙ୍କ ପୋଷ୍ଟକୁ ନେଇ ଇନଫ୍ଲୁଏନସର ସେଣ୍ଟ କ୍ଲେୟାରଙ୍କ ଦାବି କରିଥିଲେ ଯେ ସେ ମସ୍କଙ୍କ ୧୩ତମ ସନ୍ତାନକୁ ଜନ୍ମ ଦେଇଛନ୍ତି। ତଥାପି, ମସ୍କ ଏପର୍ଯ୍ୟନ୍ତ ସାର୍ବଜନୀନ ଭାବରେ ତାଙ୍କ ଦାବିକୁ ସ୍ବୀକାର କରିନାହାଁନ୍ତି। ସେଣ୍ଟ କ୍ଲେୟାର କହିଛନ୍ତି ଯେ ସେ ଏବଂ ମସ୍କ ଜାନୁଆରୀ ୨୦୨୪ରେ ସେଣ୍ଟ ବାର୍ଥସ ଯାତ୍ରା ସମୟରେ ଏକ ପିଲାକୁ ସାଙ୍ଗରେ ଆଣିଥିଲେ।
