ନନ୍ଦପୁର,୧୫ା୩(ତୁଷାର କାନ୍ତ ମହାନ୍ତି) : ମଧ୍ୟପ୍ରାଚ୍ୟରେ ଯୁଦ୍ଧ ସ୍ଥିତି ଅଞ୍ଚଳରେ ଗ୍ୟାସ ଦରକୁ ମହଙ୍ଗା କରିଛି । ଡିଜେଲ ପେଟ୍ରୋଲ ଭଳି ତୈଳ ଦର ଓ ଉପଲବ୍ଧିତାକୁ ନେଇ ଭେଳିକି ସୃଷ୍ଟି କରିଥିବା ବେଳେ ଅଚାନକ ଅଣ୍ଡା ଦର ଶସ୍ତା ହୋଇଛି। ଅଣ୍ଡାର ପାଇକାରି ଦର ଗୋଟା ୫ ଟଙ୍କା ହୋଇଥିବା ବେଳେ ଟ୍ରେ ୧୫୦ ଟଙ୍କା ହୋଇଛି।
ନନ୍ଦପୁର ବ୍ଲକ ଅଞ୍ଚଳ ସମେତ କୋରାପୁଟ ଜିଲା ବଜାରରେ ଅଣ୍ଡା ଗୋଟା ୬ ଟଙ୍କା ଖୁଚୁରା ଦରରେ ବିକ୍ରି ହେଉଛି। ନନ୍ଦପୁର ଅଞ୍ଚଳରେ ଅଣ୍ଡାର ପାଇକାରୀ ବ୍ୟବସାୟ କରୁଥିବା ବ୍ୟବସାୟୀ ଏନ ବାବୁଲା ଦାସଙ୍କ ମତରେ ଖରା ଦିନ ଆରମ୍ଭ ପଡୋଶୀ ରାଜ୍ୟ ଆନ୍ଧ୍ରରେ ଅଣ୍ଡା ଉତ୍ପାଦନ ବୃଦ୍ଧି ପାଉଛି । ଅନ୍ୟପଟେ ମଧ୍ୟପ୍ରାଚ୍ୟ ଯୁଦ୍ଧ ଫଳରେ ଆନ୍ଧ୍ର ଅଞ୍ଚଳରୁ ବାହାର ଦେଶକୁ ଅଣ୍ଡା ରପ୍ତାନି ବନ୍ଦ ହୋଇଛି । ଫଳତଃ ଅଣ୍ଡା ଦର ଶସ୍ତା ହୋଇଛି। ଆଗକୁ ଆହୁରି କମିପାରେ ବୋଲି ସୂଚନା ଦେଇଛନ୍ତି ।
