ନୂଆଦିଲ୍ଲୀ,୧୬।୩ : ରାଜନୈତିକ କାରଣରୁ ତଦନ୍ତ ଆରମ୍ଭ କରି ଦୀର୍ଘ ଦିନ ଧରି ପଚରାଉଚରା ପରେ କୋର୍ଟରେ ବିଫଳ ହୋଇଥିବା ବିରୋଧୀ ଦଳର ଅଭିଯୋଗର ପରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ବର୍ତ୍ତମାନ ଦାବି କରିଛି ଯେ ମନି ଲଣ୍ଡରିଂ ଆକ୍ଟ ଅନୁଯାୟୀ ପଞ୍ଜୀକୃତ ମାମଲାରେ ଦୋଷୀଙ୍କୁ ଦଣ୍ଡାଦେଶ କରିବାର ହାର ହେଉଛି ୯୬ ପ୍ରତିଶତ।
ଇଡି ଦ୍ୱାରା ପ୍ରକାଶିତ ସର୍ବଶେଷ ତଥ୍ୟ ଅନୁଯାୟୀ, ୨୫ ଟି ମାମଲା ମଧ୍ୟରୁ (ଜାନୁୟାରୀ ୨୦୨୩ ପର୍ଯ୍ୟନ୍ତ) ୨୪ ଟି ମାମଲାରେ ଶୁଣାଣି ଶେଷ ହୋଇଛି। ସେଥିମଧ୍ୟରୁ ୨୪ ଜଣ ଦୋଷୀ ସାବ୍ୟସ୍ତ ହୋଇଛନ୍ତି। ଫଳସୱରୂପ ୪୫ ଅଭିଯୁକ୍ତ ଦୋଷୀ ସାବ୍ୟସ୍ତ ହେବା ପରେ ସେମାନଙ୍କୁ ଦଣ୍ଡାଦେଶ କରାଯାଇଛି। ଅନ୍ୟ ୧,୧୪୨ ମାମଲାର ବିଚାର ଚାଲିଛି ଏବଂ ଇଡି ଏନେଇ ଚାର୍ଜଶିଟ ଦାଖଲ କରିଛି।
ଭାରତୀୟ ଦଣ୍ଡବିଧି ସଂହିତା (ଆଇପିସି) ଅନୁଯାୟୀ ବିଚାର କରାଯାଇଥିବା ୫୬ ପ୍ରତିଶତ ମାମଲା ତୁଳନାରେ ଅଧିକ ଦୋଷୀ ସାବ୍ୟସ୍ତ ହୋଇଛନ୍ତି। ଏଜେନ୍ସିର ୱେବସାଇଟରେ ମାମଲାଗୁଡ଼ିକର ‘ଷ୍ଟ୍ରାଇକ ରେଟ’ ବିଷୟରେ ଇଡି ସୂଚନା ଦେଇଛି।
