ଖଣି ଅଞ୍ଚଳରେ ନିଶାଦ୍ରବ୍ୟ କାରବାର
12:10 pmDecember 9, 2020December 9, 2020 / 43

କାଳିଆପାଣି,୯ା୧୨(ଡି.ଏନ.ଏ.): ଯାଜପୁର ଜିଲା ସୁକିନ୍ଦା କ୍ରୋମାଇଟ ଖଣି ଅଞ୍ଚଳରେ ବିଭିନ୍ନ ନିଶା ସାମଗ୍ରୀ କାରବାର ବୃଦ୍ଧି ପାଇବାରେ ଲାଗିଛି ା ଏଥିରେ ସ୍ଥାନୀୟ ଯୁବକମାନେ ପଥଭ୍ରଷ୍ଟ ହେଉଥିବା ବେଳେ ଅଧିକାଂଶ ନାବାଳକ କବଳିତ ହେଉଥିବା ଅଭିଯୋଗ ହୋଇଛି। ବିଶେଷ କରି ଖଣି ଅଞ୍ଚଳରେ କାମଧନ୍ଦା ମିଳୁନାହିଁ ା ବହୁ ଯୁବକ କାମ କରିବାକୁ ଦାଦନ ଖଟି ଯାଉଥିବା ବେଳେ ଆଉ କେତେଜଣ ଯୁବକ ରୋଜଗାର ଅଭାବରୁ ଚୋରି,ଡକାୟତି କରି ମଦ,ଗଞ୍ଜେଇ ଖାଇ ଗଣ୍ଡଗୋଳ କରୁଥିବା ସ୍ଥାନୀୟ ଲୋକେ କହିଛନ୍ତି ା
ବିଶେଷ କରି ଟାଟା ବଜାର, କାଳିଆପାଣି ବଜାର ଓ ହଟିଂଗୁଡ଼ିକରେ ବିଳମ୍ବିତ ରାତି ପର୍ଯ୍ୟନ୍ତ ଏହି ଯୁବକମାନଙ୍କ ସହ ନାବାଳକମାନେ ମେଳି କରୁଛନ୍ତି। ଏଥିପାଇଁ ପଥଚାରୀ ଓ କ୍ରୋମାଇଟ ପରିବହନ ଗାଡ଼ି ଚାଳକମାନେ ବିଳମ୍ବିତ ରାତ୍ରି ଯାତାୟତ କରିବାକୁ ସୁରକ୍ଷିତ ମଣୁ ନାହାନ୍ତି ା ଟମକା-ମଙ୍ଗଳପୁର ରାସ୍ତାରେ ମାରଣାସ୍ତ୍ର ଦେଖାଇ ପଥଚାରୀଙ୍କଠାରୁ ଟଙ୍କା ଲୁଟ୍‌ କରାଯାଉଥିବା କାଳିଆପାଣି ଥାନାରେ ଅଭିଯୋଗ ହୋଇଛି। ଖଣି ଅଞ୍ଚଳର କଅଁସ, କାଳିଆପାଣି, ଚିଙ୍ଗୁଡ଼ିପାଳ, ରାଁସୋଳ, କାଙ୍କଡ଼ପାଳ, କୁହିକା ଆଦି ପଞ୍ଚାୟତର ଅଧିକାଂଶ ଯୁବକ ଦେଶୀ ମଦ,ଗଞ୍ଜେଇ ଖାଇ ବିପଥଗାମୀ ହେଉଥିବା ଅଭିଯୋଗ ହୋଇଛି ା ସେପରି ହାଣ୍ଡିଆ,ରଶି ବିକ୍ରି ନାମରେ ଦେଶୀ ମହୁଲି ବିକ୍ରି ଲାଗିଛି ା କଅଁସ ପଞ୍ଚାୟତର କୋଳିପଶି ବଜାର, ହଟିଂ, କାଳିଆପାଣି ପଞ୍ଚାୟତର ହନୁମାନ ବଜାରରେ ଥିବା ହଟିଂ, ବିର୍ସାନଗର ହଟିଂ, କଟେପୁର୍ତ୍ତି ନଗର ହଟିଂ, ବରଗଜି ଗାଁ , ହରଟୋଟା ଗାଁ , ଡ଼ମଶାଳ ନାଳକୂଳରେ ଦେଶୀ ମହୁଲି ବିକ୍ରି ହେଉଛି। କେତେକ ସ୍ଥାନରେ ଡେନ୍‌ଡ୍ରାଇଟ୍‌ ନିଶାରେ ନାବାଳକମାନେ ପଡିଛନ୍ତି ା ଏପରି କି ଖଣି ଅଞ୍ଚଳର ବିଭିନ୍ନ ପାନ,ଚା ଦୋକାନରେ ଗଞ୍ଜେଇ ବିକ୍ରି ହେଉଛି। ସେହିପରି ନିଶାଦିଆ ସିଗାରେଟ ୫୦ ଟଙ୍କାରୁ ୧୦୦ ଟଙ୍କା ବିକ୍ରି କରାଯାଉଛି ା ପୋଲିସ ପାଟ୍ରୋଲିଂ ବ୍ୟବସ୍ଥାକୁ ଦୃଢ଼ କଲେ ଏପରି ନିଶା କାରବାର ରୋକା ଯାଇ ପାରିବ ବୋଲି ସ୍ଥାନୀୟ ବୁଦ୍ଧିଜୀବୀମାନେ କହିଛନ୍ତି। ଏନେଇ କାଳିଆପାଣି ଥାନା ଅଧିକାରୀ ରମାକାନ୍ତ ମୁଦୁଲି କହିଛନ୍ତି, ତୁରନ୍ତ ପୋଲିସ ଏପରି ନିଶା କାରବାର ରୋକିବା ପାଇଁ ପଦକ୍ଷେପ ନେବ ା