ନୂଆଦିଲ୍ଲୀ, ୨୧।୧୨: ସମଗ୍ର ଉତ୍ତର ଭାରତ ପ୍ରବଳ ଥଣ୍ଡାରେ ଥରୁଛି। ପାହାଡ଼ିଆ ଅଞ୍ଚଳରେ ପର୍ବତ ଉପରେ ତୁଷାରପାତ ଆରମ୍ଭ ହୋଇଛି। ରାଜସ୍ଥାନର ବହୁ ସ୍ଥାନରେ ତାପମାତ୍ରା ମାଇନସକୁ ଖସି ଆସିଛି। ଫତେହପୁର ଶେଖାୱାଟିରେ ପ୍ରଥମ ଥର ପାଇଁ ତାପମାତ୍ରା ମାଇନସ ୫.୨ ଡିଗ୍ରୀ ସେଲସିୟସ୍ରେ ପହଞ୍ଚିଛି। ଏଠାରେ ପିଇବା ପାଣି ବରଫରେ ପରିଣତ ହେବାରେ ଲାଗିଛି। ଜଳ ଯୋଗାଣ ପାଇପ୍ରେ ପାଣି ବରଫ ପାଲଟି ଯାଇଛି। ପାଣିପାଗ ବିଶେଷଜ୍ଞଙ୍କ ଅନୁଯାୟୀ, ଆଗାମୀ ଦିନରେ ଅଧିକ ଅଧିକ ସର୍ବନିମ୍ନ ତାପମାତ୍ରା ରେକର୍ଡ କରାଯିବାର ସମ୍ଭାବନା ରହିଛି। ପାରିବ।
ରାଜଧାନୀ ଦିଲ୍ଲୀ ସହିତ ପଞ୍ଜାବ, ହରିୟାଣା, ପଶ୍ଚିମ ଉତ୍ତରପ୍ରଦେଶ ଏବଂ ମଧ୍ୟପ୍ରଦେଶ ସମେତ ଉତ୍ତର ଭାରତର ବହୁ ଅଞ୍ଚଳରେ ଶୀତ ଲହର ଜାରି ରହିଛି। ଦିଲ୍ଲୀରେ ସର୍ବନିମ୍ନ ତାପମାତ୍ରା ୩.୨ ଡିଗ୍ରୀ ସେଲସିୟସ ଏବଂ ସର୍ବାଧିକ ତାପମାତ୍ରା ୨୧ ଡିଗ୍ରୀ ସେଲସିୟସ ରେକର୍ଡ କରାଯାଇଛି। ମହାରାଷ୍ଟ୍ରର ନାଗପୁରରେ ଶୀତର ପ୍ରକୋପ ବଢ଼ିବାରେ ଲାଗିଛି। ଏଠାରେ ରେକର୍ଡ ହୋଇଥିବା ସର୍ବନିମ୍ନ ତାପମାତ୍ରା ୭.୮ ଡିଗ୍ରୀ ସେଲସିୟସ ରହିଛି। ଉତ୍ତରକାଶୀର ପାହାଡ଼ିଆ ଅଞ୍ଚଳରେ ସ୍ଥିତି ସଙ୍କଟ ଜନକ ହେବାରେ ଲାଗିଛି। ଏଠାରେ ସମୁଦ୍ର ପତ୍ତନଠାରୁ ଅଧିକ ଉଚ୍ଚରେ ଥିବା ହର୍ଷିଲ, ଝାଲା ସୁଖୀ ଟପ, ମୁଖୱା ଧରାଲି ଆଦି ଅଞ୍ଚଳରେ ସକାଳ ଓ ସାର ତାପମାତ୍ରା ମାଇନସ ଡିଗ୍ରୀ ତଳେ ପହଞ୍ଚିଛି। ରାଜସ୍ଥାନରେ ମନାଲି ପରି ପାଣିପାଗ ସୃଷ୍ଟି ହୋଇଛି।
ଏଠାରେ ଗଛ ଉପରେ ତୁଷାରପାତ ହେଉଛି। କ୍ଷେତରେ ଥିବା ଫସଲ ଉପରେ ବରଫର ଏକ ଆବରଣ ଦେଖିବାକୁ ମିଳୁଛି। ସିକରର ତାପମାତ୍ରା ୨.୫ ଡିଗ୍ରୀ ସେଲସିୟସରେ ପହଞ୍ଚିଛ।
ଏହାପୂର୍ବରୁ ୭ ବର୍ଷ ତଳେ ଶୀତଦିନରେ ୩୦ ଡିସେମ୍ବର ୨୦୧୪ରେ ଏଭଳି ତାପ ରେକର୍ଡ କରାଯାଇଥିଲା। ଯେତେବେଳେ ତାପମାତ୍ରା ମାଇନସ ୪.୬ ରେକର୍ଡ କରାଯାଇଥିଲା। କିନ୍ତୁ ଏଥର ତାପମାତ୍ରା ଆହୁରି କମିଛି। ଡିସେମ୍ବର ୧୭ରେ ତାପମାତ୍ରା ମାଇନସ ୧.୬ ଥିଲା। ସେହିପରି ଡିସେମ୍ବର ୧୮ରେ ମାଇନସ ୩.୮ ଥିବାବେଳେ ଡିସେମ୍ବର ୨୧ ସକାଳ ୭ଟା ୩୦ରେ ଏହା ମାଇନସ ୫.୨ ଛୁଇଁଛି।
ପ୍ରବଳ ଥଣ୍ଡା ଯୋଗୁ କୃଷକମାନେ ସମସ୍ୟାରେ ପଡ଼ିଛନ୍ତି। ସେମାନେ ଫସଲ ପାଇଁ ଜଳସେଚନ କରି ପାରୁନାହାନ୍ତି। ଜଳ ଯୋଗାଣ ପାଇପଲାଇନରେ ପାଣି ମଧ୍ୟ ବରଫ ହୋଇଯାଇଛି। ଲଦାଖରେ ନଦୀର ଉପରସ୍ତର ଫ୍ରିଜ ହୋଇ ବରଫ ପାଲଟିଛି। ସବୁଠାରୁ ବଡ ସମସ୍ୟା କରିଛି ପାନୀୟ ଜଳ। ଏହା ବରଫ ପାଲଟି ଯିବାରୁ ଲୋକେ ଅସୁବିଧାରେ ପଡୁଛନ୍ତି।
ରନ୍ଧାରନ୍ଧି ପାଇଁ ତେଲକୁ ଗରମ କରିବା ଲାଗି ଅଧିକ ସମୟ ଲାଗୁଛି। ଜମ୍ମୁରେ ଶୀତ ଗତ ୨୩ ବର୍ଷର ରେକର୍ଡ ଭାଙ୍ଗିଛି। ସକାଳେ ଘନ କୁହୁଡ଼ି ଏବଂ ଥଣ୍ଡା ଯୋଗୁ ଲୋକଙ୍କ ଘରୁ ବାହାରିବା କଷ୍ଟକର ହୋଇପଡିଛି। ଏଥିସହିତ ରେଳ ଏବଂ ସଡକ ଯାତାୟାତ ମଧ୍ୟ ପ୍ରଭାବିତ ହୋଇଛି। ମଧ୍ୟପ୍ରଦେଶର ହୋଶଙ୍ଗାବାଦର ତାପମାତ୍ରା ୦.୫ ଡିଗ୍ରୀ ଛୁଇଁଛି। ପାଣିପାଗ ବିଜ୍ଞାନୀମାନେ ଆଗାମୀ ଦିନରେ ଅଧିକ ଥଣ୍ଡା ବିଷୟରେ ପୂର୍ବାନୁମାନ କରିଛନ୍ତି।
